Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
De term
Lingua franca
(letterlek in 't
Italiaans
: "Frankische taol", daoneve weurt ouch 'ne Latiense oersprunk gegeve es '"vrije, vrij towgenkeleke taol"
[1]
) duidt de taol aon die gemeinsjappelek weurt gebruuk tosse lui met versjellende
moojertaole
. Daobij gong 't in ierste instantie veur gebruuk tijdes d'n handel.
De term "lingua franca" woort veur 't iers gebruuk veur 'ne variant vaan 't Italiaans. De term verwijs nao de groeten invlood vaan de
Fraanke
in West-, Midde- en Zuid-Europa sinds de daog vaan
Karel de Groete
.
In de
Middeliewe
en tijdes de
Renaissance
waor 't
Latien
de lingua franca vaan de wetensjappeleke gemeinschap. Dees positie begos 't in de 17e ieuw te verlere, veural door de opkoms vaan 't
Frans
, mer pas in de ierste helf vaan de 19e iew verloor 't Latien ziene status es lingua franca gans. Daonao woort 't Frans de Europese cultuur- en diplomatetaol, 't
Duits
de taol vaan de wetensjap. Nao d'n
Twiede Wereldoorlog
, tot aon de val vaan de
Berliense Moer
, waor 't
Russisch
de lingua franca vaan 't
Oosblok
.
Allewijl weurt
Ingels
gezeen es de lingua franca op versjellende terreine: internationale handel,
wetensjap
,
technologie
en de vlegerij. Gedeiltelek heet 't 't Frans verdronge op 't gebeed vaan de
diplomatie
. De reie tot Ingels zoe'ne groeten invlood heet, ligk veurnaomelek in 't feit tot de Ingelse (ten tije vaan 't
Ingels Riek
) ziech met hun
kolonies
euver de gaanse wereld verspreid hobbe. 't Gebruuk vaan Ingels in dees (veurmaolige) kolonies heet te make met 't polletiek geveuleg ligke vaan 't opdringe vaan ein inheemse taol es de lingua franca.
De volgende sectie van dit artikel is gesjreve in 't
Norbiks
.
Metstens is 'n Lingua franca geng natuurleke taal. In Voere is 't
Plat
evvel lang de enige acceptabel gemeensjappeleke taal gewes vor de communicatie tossje luuj die neet oet de egeste gemeensjap sjtamme.
[2]
't Plat haat nog ommer 't mets neutrale idioom. Met d'r opkoms van de Voere-blogs, oee-in de twiee tale wert gecommuniceerd, begint dao verendering in te kaome.
