한국   대만   중국   일본 
James Cameron - Wikipedia Naar inhoud springen

James Cameron

Van Wikipedia

Dit artikel is gesjreve (of begos) in 't Mestreechs . Laes hie wie v'r mit de versjillende saorte Limburgs omgaon.


James Cameron op e festival in Canada

James Francis Cameron ( 16 augustus , 1954 ) is 'ne Canedese rezjiseur oet Ontario . Zien bekindste films zien The Terminator , Titanic en de nuie film Avatar . Ze staon bekans allemaol bekind es groete budgetfilms, en dat ze deks mie koste es verwach woort door de studio's. Ouch loupe Cameron's films deks achter op sjema.

Zie leve [ bewirk | bron bewerke ]

Vaan Canada nao Californie [ bewirk | bron bewerke ]

Heer is opgegreuid in de Canedese provincie Ontario. Heer zegk deks tot d'r dao 't mieste heet gelierd euver natuurkunde , de studie die heer later ging oetoefene in Californie . Dit deed heer op zien 17e, 1971 . Binne e jaor raakde heer in aonraking met rezjiseur Roger Corman , boe heer in 1972 al met moch samewirke. Heer woort daomet al op zien 18e art director vaan 'ne film. Evels waor Von Richthoven and Brown gei succes gewore. MADU APADU

Zie leve es rezjiseur [ bewirk | bron bewerke ]

Pas in 1981 kos heer ziene eige film rezjissere, naomelek: Piranha 2: The Spawning . Bij de opnaomes vaan de film realisierde heer ziech tot de film gei succes zou weure (get boe heer later ouch geliek in kraog), en daodoor raakde heer in 'n zenuwinzinking. In dees tied kraog heer vaol nachmare euver 'ne robot, dee alle lui op eerd wil aofmake. Euver die nachmare maak heer in 1984 'ne nuie film: The Terminator .

The Terminator woort e groet succes, en neet allein veur Cameron waor dit zien groete doorbraak. Ouch Arnold Schwarzenegger woort 'ne bekinde actaor door dizze film. Cameron gebruukde vaol speciale effecte in de film, get boe heer ziech vaanaof dee film altied met zou kenmerke. Twie films later, maakde heer in 1992 e vervolg op de film. Dee neet ins zoe slech woort oontavange (terwijl dit wel woort verwach).

Nao deil twie vaan The Terminator volgde d'r nog hiel vaol aander vervolge op de film, mer Cameron zelf ging aon de geng met 'ne nuie film. Nao de minder succesvolle True Lies oet 1994 , kaom heer in 1997 met eine vaan de groetste klassiekers vaan de Jaore 90 films. De film waor zoewel bij critisi wie aon de kassa's e succes en won mer leefs elf oscars , boe oonder dee vaan beste film oet 1997. Metein kaom titanic te staon op nommer ein op de lies vaan films die 't mies hobbe opgebrach in dollars, es me gein rekening hilt met inflatie.

Tot 2009 kaome d'r gein films mie oet vaan Cameron, allein 'n Tv-serie en twie documentaires. Wie d'r dat jaor 'ne nuie film maakde (de science fiction film Avatar ), kaom heer obbenuits op nommer ein te staon op de lies vaan films die 't mies hobbe opgebrach in dollars. Avatar steit bekind es d'n iersten annematiefilm dee realistisch gezien volkomme euvertugend is. Aon de film heet heer neet veur niks ach jaor euver gedaon.

D'r gaon geruchte tot heer e vervolg geit make vaan Avatar , mer ouch vaan True Lies . Aander films die in de planning staon zien Battle Angel en The Dive . Nao veer sjeijinge is heer sinds 2000 getrouwd met de actrice Suzy Amis .

Aafkomstig van Wikipedia, de Vriej Encyclopedie. " https://li.wikipedia.org/w/index.php?title=James_Cameron&oldid=434307 "