Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
't
Eurovisie Songfestival
is sinds 24 mei 1956 'n jaorlekse presentatie en competitie vaan leedsjes, en weurt oetgezonde op tv door gaans
Europa
; sinds 1967 weurt 't festival ouch in len boete Europa oetgezonde. 't Is ouch op 't
internet
te zien. De naom vaan 't festival keump vaan
the Eurovision TV Distribution Network
, wat 'n oonderdeil is vaan de
European Broadcast Union
(EBU). Eder EBU-lid kin metdoen aon 't festival, ouch len die boete Europa ligke zoewie
Algerije
,
Armenie
,
Egypte
,
Israel
,
Jordanie
,
Libanon
,
Libie
,
Marokko
en
Tunesie
. De mieste Arabische len hobbe evels nog noets metgedoon;
Australie
deit sinds e paar jaor evels wel met.
Tot 2003 waor 't zoe tot d'r maximaal 26 len mit mochte doen, dit is heinao verhuug tot 45. In 't verleie mochte slech presterende len 't volgend jaor neet metdoen; allewijl mote de mieste len ziech in ein vaan de twie haaf finales veur de indrunde kwalificere. De len die 't veureg jaor in de top 10 zaote en daoneve de 'Big Four' zitten 't volgende jaor zoewiezoe alweer in de finaal, len die of neet 't veurige jaor in de top 10 geeindig waore of neet bij de 'Big Four' hure mooste vaanaof toen in dees have finaal aontrejje. Door televoting woort bepaold welke tien len door mochte nao de finaal. Umtot d'r in 2007 'n have finaal oontstande waor vaan 29 len, is in 2008 beslote um twie have finales te hawwe, eine op d'n dinsdaag en eine op d'n donderdaag. Heidoor kaom de top 10 vaan 't veureg jaor neet mie direk in de finaal te stoon mer mooste die zich weer obbenuits kwalificere veur de finaal. Nege len gingen door, door allein nao de televoting te loere en 't tiende land woort bepaold door 'ne vakjury dee ouch aonwezeg waor in eeder land.
Door 't vaole geklaog euver 't stomme in veural 't Weste vaan Europa is in 2009 e nui systeem ingevoerd. Haaf vaan de stomme weurt bepaold door 'ne jury en de aander helf door de lui thoes door middel vaan televote.
Tegewoordeg is 't zoe geregeld tot de len (boete de zoegenaomde 'Big five' en 't gasland) door middel vaan deil te numme in ein vaan de twie have finales in de finaal moote zien te koume. Tien len mage oet eder vaan dees have finales doorgoon.
Eder land gief in hun eige have finaal punte en in de finaal gief eder land punte. Dit geit door televoting en sinds 2009 weurt de helf vaan 't punt bepaold door jury's en de aander helf door televoten. Eeder land gief zienen top 10. Nummer ein krijg twelf punte, nummer twie krijg tien, nummer drei krijg 8, nummer veer 7 en zoe weier.
In de jaore '50 is 't concep vaan 't songfestival verzonne, de basis heiveur waor 't San Remo Festival in Italie. Oeteindelek voont in 1956 daan ech 't ierste festival plaots. De deilneumers waore:
Belsj
,
Fraankriek
,
Italie
,
Luxemburg
,
Nederland
,
Wes-Duitsland
en
Zwitserland
. 't Festival waor georganiseerd door
Zwitserland
en dao voont 't ouch plaots in
Lugarno
. D'n oeteindeleke winnaar waor ouch
Zwitserland
.
't Jaor drop dege drei len met die wat eigelek ouch al 't ierste jaor met hadde wouwe doen, mer dat waor ze neet gelok. Dees len waore
Denemarke
,
Oosteriek
en 't
Vereineg Keuninkriek
't Volgend jaor deeg ouch
Zwede
met en 't jaor drop
Monaco
.
Aontal euverwinninge en aontal georganiseerde festivals
[
bewirk
|
bron bewerke
]