Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
Connecticut
is ein vaan de staote vaan de
VS
. De standaardaofkorting veur "The Constitution State" is CT. De hoofdstad is
Hartford
.
De naom Connecticut kump vaan 't woord
Quinnehtukcut
, wat in de taol vaan de
Algonquin
-Indianen "langs de lange geteierivier" beteikent; 't heet niks met 't Ingels
werkwoord
"to connect" (verbinde) te make. In de oetspraok kin me dit nog hure doordat de twiede 'c' zoonder klaank is.
D'n ierste Europesen oontdekker vaan Connecticut waor 'nen Hollender:
oontdekkingsreiziger
Adriaen Block
. Nao zien oontdekkingsreis door 't gebeed in 1614 zien Hollandse pelshandelere weier de '
Connecticut River
' (dee de naom
Versche Rivier
kraog vaan de Hollenders) opgevare. Ze hobbe e fort neergezat op '
Dutch Point
' kortbij wat allewijl
Hartford
is en neumde dees nederzetting 'Huis van Hoop' (Hoes vaan Hoop).
Aander Europeane arriveerde neet vaol later. In
1633
, kaome de oet
Massachusetts
aofkomstege
Puriteine
. E jaor later woort 't
kerkhof
Gunntown
gestiech. Connecticut steit bekind um Gunntown, aongezeen 't ein vaan de ajdste kerkhove vaan
Noord-Amerika
is.
Connecticut waor ein vaan de dertien koloniee die in d'n
18e iew
in opstand kaome tege de
Ingelse
euverhiersing (de
Amerikaanse Revolutie
). Op
9 januari
1788
woort Connecticut formeel, es 5de, 'ne staot vaan de Vereinegde Staote. Tijdes de
Amerikaanse Burgeroorlog
zeukde de staot de kant vaan de Unie.
De staot Connecticut besleit 14.371 km², boe vaan 12.559 km² land, en is ein vaan de kleinste staote. Het hoegste punt van de staot, 725 m, bevind ziech in 't uterste noordweste. De staot ligk in de
Eastern
-
tiedzone
.
Connecticut grenst in 't weste aon de
staot New York
, in 't noorde aon
Massachusetts
en in 't ooste aon
Rhode Island
. 't Zuie vaan de staot ligk aon Long Island Sound en aon d'n
Atlantische Oceaan
.
't Noorde vaan de staot is berg- en heuvelechtig, 't zuie vrij vlak. 't Telt vaol mere en reviere, boe vaan de veurnaomste de
Connecticut
is, dee vanoet Massachusetts langs Hartford nao 't zuie nao d'n oceaan struimp.
In
2000
telde Connecticut 3.405.565 lui (271 per km²).
De veurnaomste stei zien hoofstad
Hartford
,
Stamford
,
Bridgeport
,
New Haven
en
Windsor
. In New Haven is de prestigieuze
Yale-universiteit
. Ouch ligk 't riekste stedsje vaan de VS in Connecticut, naomelek:
New Canaan
.