Dit artikel is gesjreve (of begos) in 't
Valkebergs
. Laes
hie
wie v'r mit de versjillende saorte Limburgs omgaon.
Claude Monet
(
14 november
1840
-
5 december
1926
) waor 'ne
Franse
kunssjilder. Hae waor ein van de belangriekste
impressioniste
.
Monet woort gebore in
Paries
. Wie 'r ongevaer vief jaor waor, verhuusde hae met zien familie nao
Le Havre
. Monet waor in de jaore 1861-1862 in militair deens in
Afrika
, wat mesjiens zien later keus um veural landsjappe te sjildere beinvlood kent hobbe.
Vanaaf ongevaer 1865 houw Monet 'n relatie met Camille Doncieux. In
1867
woort hunne iersjte zoon, Jean, gebore in Paries. Zie trouwde in de zomer van 1870. Ze ginge op huweliksreis nao
Trouville
, meh vanwege d'n oorlog tosje Frankriek en de Pruusje vluchde ze nao
Londe
. Via Nederland kaome ze weer in Frankriek truuk, woa ze in
Argenteuil
ginge wone. Argenteuil waor vanoet de Pariese sjtasie
Gare Saint-Lazare
, woavan Monet versjillende sjilderiekje gemaak haet, gemekkelik te bereike. Financieel ging 't Monet good in daen tied: zien sjilderieje verkochte good.
In 1878 woort de twiede zoon, Michel, gebore, kort veurdat 't gezin Monet nao
Vetheuil
zou verhuze. In 1879 sjtorf Camille. Monet woonde doe al bie Alice Hoschede en haore man Ernest. Dees ongebrukelike verhouding waor de aanleijing tot 'ne houp geruchte en Monets relatie met collega-sjilders kaom onder druk te sjtoon. In 1891 sjtorf Ernest, woadoor Monet met Alice koes trouwe. Veur de familie Monet brook eine rieke tied aan.
Alice sjtorf in 1911, en in 1914 sjtorf ouch Monets oudste zoon Jean. Jean waor getrouwd met de twiede dochter van Alice, Blanche. Blanche zorgde es weduwe veur de bejaarde sjilder. Monet ies 86 jaor gewore.
Naodat 'r iersj veural karikature maakde, begoes Monet op zien 24ste met 't sjildere van landsjappe in de ope loch. Dit waor haom aangeraoje door de Normandische sjilder
Eugene Boudin
. Monet sjilderde veural de landsjappe in zien eige laefumgeving: in
Argenteuil
't bekend veld met klaproaze en in
Giverny
sjtokker van ziene eige tuin dae tegewoordig veur toeriste ies opegesjteld. Zien sjilderie
Impression, soleil levant
oet
1874
waor de aanleijing veur de naam
impressionisme
.
Op de pazjena
Claude Monet
van Wikimedia Commons zeen media gerelateerd aan dit ongerwerp te venje