Dit artikel is gesjreve (of begos) in 't
Mofers
. Laes
hie
wie v'r mit de versjillende saorte Limburgs omgaon.
 |
Dit artikel geit euver 'n doorgaonde gebaortenis
D'n inhawd van dit artikel kan naovenant gauw verangere en kan mesjiens neet gans mie kloppe mit de leste ontwikkelinge.
|
Oetbraak van 't virus.
Percentaasj storfgevel in Sjina de laeftiedscategorie.
COVID-19
is 'n besmettelike
gekrenkdje
veroearzaak door 't
coronavirus
SARS-CoV-2. In de volksmondj is
coronavirus
ouch de naam veur de ganse gekrenkdje. De gekrenkdje kwaam veuren ieeste veur in
Wuhan
, wodoor 't ouch 't
Wuhanvirus
wuuert geneump. Doordet miense gein
immuniteit
veur 't virus hobben en 't ouch gei vaccin guuef is saer
11 mieert
2020
officieel spraok van 'n
pandemie
.
Vaste symptoeame van 't virus zeen
koearts
, vermeudjheid, druuege klark (hooste), kortaomigheid; minder dok veurkommendje symptoeame zeen geminderdje fonksje vanne nere,
diarree
, kaelspien, 'n loupnaas, neeste, koppien, spierpien, trillen in 't lief en geminderdje witte bloodcelle. In zwaor vel truuedj ouch
longontstaeking
op.
COVID-19 verspredj zich veural via voch: door te hoosten en te neeste. De incubaasjetied is einen toet twellef daag. Taenge de verspreijing van 't virus wuuert aangehaje zich good zuver te hajen en dok de henj te wasse, liefelik kontak te ontwieke, hoosten en neesten ane binnekantj vannen ellebaog, 't gebroek van pepiere tesseplek, 't aafhaje van henj sjodden en 'nen gojen aafstandj haje van kranke luuj, mer ouch van ajer luuj en luuj mit 'n broeas gezondjheid. Es veurzorgsmaotregele haet me sjoeale geslaote, groeate evenementen aafgelas, reisverbaojen ingesteldj en heimwirken aangemeujig. E good deil kranke luuj haet m'n in
karrentaen
gesteldj.
Allewel ederein krank kan waere, zeen de meiste storfgevel onger biejaarde luuj en luuj mit 'n zwake gezondjheid.
De volgende sectie van dit artikel is gesjreve in 't
Mestreechs
.
Op
30 april
2020
woort de Hoege Representant vaan de
EU
in Boetelandse Affaires (vergeliekbaar met 'ne minister veur Boetelandse Affaires),
Josep Borrell
, fel bekritiseerd in 'n debat in 't
Europees Parlemint
. Versjellende Europarlemintariers, veural vaan de liberale
Renew Europe
en de
ecologische
Europese Greune
, verdachte
China
d'r vaan de
Von der Leyen
-
Kemissie
oonder drok te hobbe gezat um 'n rapport roondum Chinese desinformatie in de
Coronacrisis
minder fel te verwoorde. Tijdes 'n huring oontkende Borrell evels tot 't rapport is veraandert oonder drok vaan China, mer heer goof wel touw tot de Chinese regiering heet geperbeerd um de EU te beinvlooje. Versjellende liberale en ecologische Europarlintariers, met naome oet de
Benelux
en
Tsjecie
, bleve evels kritiek hobbe op Borrell en besjreve de situatie es 'n oonacceptabele buiging nao China touw. Borrell besjreef de situatie es opgeblaoze: wijl heer erkende tot China 'n "rivaal veur Europa" is, en daorum good in de gate mot weure gehawwe, is dit soort polletieke drok "gengbaor in de diplomatiek" en bewijs 't zeker neet tot de EU zou buige veur Chinese invlooj. Europese media kaome nao 't sjandaol met verhaole oet
Paries
en
Berlien
tot ouch de
Franse
en
Duitse
regieringe oonder drok vaan China hadde gestaon um neet al te fel in de opeheid te reagere op Chinese desinformatie.
't Rillatief aontal Corona-patiente in Spanje op
2 april
2020
. 't Aontal patiente de 1 mieljoon inwoeners
Op
13 miert
2020
verklaorde de
Spaonse staot
oonder
Pedro Sanchez
tot Spanje veur op z'n mins de aonkommende 15 daog verkierde in 'n noodsituatie vaanwege de pandemie vaan 't Coronavirus (
COVID-19
) die noe ouch euver Spanje is gaon hierse. De Spaonse staot kraog de volmach euver al 't beleid wat te make heet met 't indamme vaan 't Coronavirus. Zoe lokde 't de Sanchez-regiering um d'n daag daonao 'n ganse
lockdown
op te stelle: alle restaurante, kaffees en zake ginge touw, behaave de noedzakeleke supermerrete. Me maag allein de straot op veur noedzakeleke kemmissies te doen of um nao noedzakelek werk te gaon wat me neet thoes kin doen (dit gilt met naome veur lui in de
gezoondheidszorg
. De regeling in Spanje is daomet vergeliekbaar met die vaan
Belsj Limborg
en
Luik (provincie)
en strenger es in
Nederlands Limborg
en
Noordrien-Wesfale
.
Op
25 miert
2020
haw Spanje mie Coronavirus-doeje es
China
. Allein
Italie
had op dat memint 'n hoeger doedesaontal.
Madrid (regio)
had de meiste doeje.
Spanje is op dit momint d'n
EU
-lidstaot met de groetste capaciteitsperbleme in de gezoondheidszorg in verband met 't Coronavirus. Ouch is de Sanchez-regiering op dit memint de innegste regiering in de EU die tijes de Corona-virus neet op mie populaire steun in de peilinge kin rekene, mer zjus op fors minder steun.