Dit artikel is gesjreve (of begos) in 't
Mofers
. Laes
hie
wie v'r mit de versjillende saorte Limburgs omgaon.
De
berf
(
Barbus barbus
) is 'ne gestruimliendje
karperechtige
vis (
Cyprinidae
) vanne middelluip van revere, de zoeageneumdje
berfzaon
.
De berf kump veur in Wes- en Midden-Europa, t'n naorde vanne
Alpen
enne
Pyreneee
. In Limborg is de vis redelik algemein en kump t'r beveurbeildj veur inne
Roer
enne
Maas
. Vreuger pejdje de vis ouch in baeken in Limborg, wie de
Jeker
enne
Gaol
. Herstel vanne grindjbedder kan d'rveur zorge det de berf taalrieker wuuertj in Limborg.
Berve komme veur inne nag snel-struimendje middelluip van revere. Hae kump ouch vaol veur inne grotter baeke. Groeate berve hobben 'ne veurkaor veur baom van graof grindj; klender berve komme miee veur op baom mit fiene, zenjige grindj.