Dit artikel is gesjreve (of begos) in 't
Mechels (Belsj Limburg)
. Laes
hie
wie v'r mit de versjillende saorte Limburgs omgaon.
Limburg
(in 't Limburgs regionalisme auch waal bekind es
Wes-Limburg
, ten opziechte van Oas-Limburg:
Nederlands Limburg
) is de meist oesteleke provinsie van
Vlaondere
, ein van de drie geweste van 't
Belsj
, en lik westelik va de reveer de
Maas
. 't Grens aan
Vlaoms-Braobant
,
Antwerpe
, de Welzje provincie
Luuk
en aan
Nederland
. De haufsjtad is
Hasselt
. 't Is ongerverdeild in drie adminnestratieve
arrendissemente
met 44 gemeintes.
In 't Bronsgroen Eikenhout
is 't "officieel" volksleed van de regio Limburg, in 't Belsj en in Nederland. De
vlag van Belsj Limburg
en 't
blazoen van Belsj Limburg
zin gebaseerd op 't wapesjild van 't oud
hertogdom Limburg
.
Belsj Limburg ies ein van de besjtuurlike einhede die samewerke in de
Euregio Maas-Rien
.
Cultuurlandsjappe in Belsj Limburg zint:
Zuug ouch de
lies vaan geweze gemeintes in Belsj Limborg
.
De volgende sectie van dit artikel is gesjreve in 't
Mestreechs
.
Veural nao 2010 begos in gans Vlaondere de discussie euver 't wijer fusere vaan gemeintes weer. Oetindelek besloot me um gemeintes neet te dwinge, meh ze wel tot vrijwellege fusie te stimulere. Oetindelek beslote in Limborg twie kier twie gemeintes tot 'n fusie:
Mieve-Roj
en
Glabbek
fuseerde op 1 jannewarie 2019 tot
Audsberge
,
Neerpelt
en
Ueverpelt
fuseerde tot
Pelt
.
[1]
Heimet is de discussie nog neet veurbij. Diverse groeter planne zien veurgesteld; oonder mie 'n fusie tosse Hasselt en Genk. Allewel tot dat emotioneel geveuleg ligk, zouw dit economisch good kinne werke.
[2]
Zelfs 'n fusie vaan alle gemeintes tot ein stad met 42
deilgemeintes
zouw meugelek en potentieel veurdeileg zien.
[3]
Verwant is ouch de doorloupende discussie euver de aofsjaffing vaan de provincies in Vlaondere.
- ↑
De Standaard online - Dit zijn de gemeenten die gaan fusioneren
- ↑
De Standaard online - ‘Een logisch idee hou je niet tegen’
- ↑
De Standaard online - ‘Maak van Limburg een grote stad (en win 361 miljoen)’