Dit artikel is gesjreve (of begos) in 't Mestreechs . Laes hie wie v'r mit de versjillende saorte Limburgs omgaon.

Anton Webern
Gebore	3 december 1883
Gesjtorve	15 september 1945
Landj	Donaumonarchie , Rippubliek Oosteriek , nazi-Duitsland
Sjtielperiood	laatromantiek , expressionisme , dodecafonie
Belankrieke genres	orkesmeziek , kamermeziek , kunsleed , klaveermeziek
Invlood van	Arnold Schonberg , Richard Wagner , Gustav Mahler , Hugo Wolf
Invlood op	Karl Amadeus Hartmann , Olivier Messiaen , Karel Goeyvaerts , Pierre Boulez , Karlheinz Stockhausen , Milton Babbitt , Igor Stravinski
Lies van componiste

Anton Webern (tot 1919 von Webern ; Wene , 3 december 1883 - Mittersill ( Salzburg ), 15 september 1945) waor 'nen Oosteriekse componis, dirizjent en musicoloog . Heer weurt met ziene liermeister Arnold Schonberg en ziene metlierling Alban Berg tot de Twiede Weense Sjaol gerekend. Webern, lid vaan 'n Oosterieks adellek geslach en zoon vaan 'ne mijnbouwinzjenieur, lierde es keend piano en cello speule. Roond 1900 sjreef heer zien ierste composities. Vaan 1902 tot 1906 studeerden 'r meziekwetensjap in Wene (aofgestudeerd op 't werk vaan Heinrich Isaac ), vaan 1904 tot 1908 compositie bij Arnold Schonberg. Ouch nao zien studie bleve de twie (met ouch Alban Berg) samewerke. Es Schonberg in de jaore dao-op d'n atonale meziek oontwikkelt, geit Webern dao-in met. Bekinder weurt heer evels es dirizjent, e beroop wat haom in versjellende deile vaan Midde-Europa bringk. Ind jaore 1920 geit heer euver op de twelftoensmeziek vaan ziene liermeister, welk princiep ziene stijl ingriepend verandert. Ziene meziek blijf evels oongehuurd, zeker es ze nao d'n Anschluss sumpel-eweg weurt verboje. Kort nao 't ind vaan d'n Twiede Wereldoorlog weurt heer bij oongelok door 'nen Amerikaanse soldaot doedgesjote. De groete erkinning kump vaanaof 1951 , es de Sjaol vaan Darmstadt met ziene strenge, ing gereguleerde meziek geit dwepe.

   Dit artikel is e sjtumpke. De kans Wikipedia helpe door 't aan te volle