Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
Brunei
(officieel
???? ?????????
,
Negara Brunei Darussalam
) is e klein land op
Borneo
, umslote door
Maleis
gebeed. 't Besteit oet twie gebejer die zjus neet aonein grenze meh door e corridor vaan Maleis groondgebed vaanein gesjeie weure. Hoofstad is Bandar Seri Begawan, ander stei zien
Bangar
,
Seria
en
Sukang
. De
sultan
vaan Brunei behuurt tot de riekste lui vaan de wereld.
Brunei is ingedeild in veer distrikte (
daerah
). Ze heite:
Oongeveer twiedaarde vaan de bevolking is vaan Maleisen orizjien en sprik Maleis. 'n Bezunderheid vaan 't Brunei Maleis is tot 't nog ummer in 't
Arabisch sjrif
gesjreve weurt. Vaan de res is e good deil
Chinees
of
Europees
. De Maleisiers beoefene d'n
islam
, de Chineze veural 't
boeddhisme
.
't Huideg sultanaat Brunei zouw zien veurgegaange door e riek, wat in Chinees historiesjrifte
Po-ni
geneump weurt. Nao herhaoldelek door ander machte oonderworpe te zien, o.a. door 't Riek vaan
Madjapit
, oontstoont in de
veertiende iew
dit sultanaat es apaarte staot. 't Begos daonao aon 'ne bleujtied, en op 't huugdepunt regeerde de sultan euver gans Borneo en zelfs euver de zuideleke
Filipiene
(die noe nog islamitisch zien), meh nao sultan
Hassan
kaom 't verval drin, zoewel door intern twiste es door de touwnummenden invlood vaan de
Portugeze
,
Spanjaarde
,
Nederlanders
en
Ingelse
in 't gebeed. In de negentiende iew mos de sultan ummer mier acceptere tot ziene mach beperk woort, en in
1888
woort Brunei e
Brits
protectoraot
. Ouch mos 't land acceptere tot d'n umvaank tot e minimum beperk woort. In
1906
stelde de Britte zelfs 'nen adviseur aon, dee al zake boete de traditioneel en religieuze kwesties veur de sultan beslisde. In
1959
woort Brunei weer 'n souverein staot. In deen tied kaom vaanoet Maleisie de pressie um Brunei es e deil vaan dat land op te numme; de sultan weigerde oeteindelek. Vaanaof
1984
woort de defensie, die tot daan touw in han vaan de Britte gebleve waor, ouch 'n staotszaak en woort 't land gaans oonaofhenkelek. Nao d'n oorlog woort Brunei ein vaan de riekste len oet de regio, meh geinen ikkenomischen tieger wie
Singapore
of
Hong Kong
, mier 'n oliestaot nao Arabisch model.
Op de pazjena
Brunei
van Wikimedia Commons zeen media gerelateerd aan dit ongerwerp te venje