Bestuurleke indeiling
bewirk
Italie is opgedeild in twintig
regioni
en 96 provincies. Vief regioni hobbe 'nen otonome status. 't Geit hei um regio's met 'n etnische minderheid of e zier sterk regionalisme.
Otonoom regio's
:
Neet-otonoom regio's
:
Italie is sinds 1946 'n
parlementair
bestuurde
rippubliek
. 't Parlemint besteit oet e hoegerhoes (de
Senato della Repubblica
) en e liegerhoes (de
Camera dei deputati
). De president heet veural 'n ceremonieel en bemiddelende functie. Verkezinge weure alle vief jaor gehawwe, es de regering neet ieder velt.
De
politieke cultuur
vaan 't land is extremer es wat me in Wes-Europa gewoen is. Al sinds jaor en daag is 't
communisme
'ne factor vaan belaank. Sinds de jaore negenteg hobbe diverse
populistische
partije de politiek beheers. Italie scoorde in 2017 7,98 op de
Democratie-index
vaan
The Economist
, nog zjus in de categorie 'oonvolkoume democratie'. Heimet kaom 't land op de 21e positie, ex aequo met de Vereinegde Staote. Veural 't functionere vaan de euverheid woort maoteg beoordeild.
[1]
In internationaol verband
bewirk
Sinds 1955 is Italie lid vaan de
Vereinegde Naties
. Um zie recint verleie in d'n
Twiede Wereldoorlog
woort 't land neet ieder touwgelaote. Italie is wel stiechtend lid vaan de
NATO
(1949) en de
Europese Unie
(es Europese Economische Gemeinsjap, 1958).
't Veendel vaan Italie besteit oet drei verticaol ban vaan greun, wit en roed. Dit veendel woort in 1797 oontworpe veur de
Cisalpijnse Rippubliek
, 'ne Franse vazalstaot. De kleure roed en wit koume oet 't aajd veendel vaan
Milaan
, 't greun vaan 't uniform vaan de borgerwach. In 1848 woort dit symbool nui leve ingebloze wie 't
keuninkriek Sardinie
ziech veur de Italiaanse einweuring gong inzette. Sinds de vorming vaan de Italiaanse staot in 1861 is 't oonaofgebroke symbool vaan 't land gewees, al waor de witte baon soms met 't waope vaan 't daan heersend rezjiem belaoje.
Nao de instelling vaan de rippubliek woort 't aajd waope aofgedaank en koos Italie veur e neet-heraldisch embleem wat klassieke en socialistische symboliek combineert. 't Tuint e tandraad, belaoje met 'ne staar en umzuimp met lauwer en eikelouf, samegeboonde door e roed lint met de teks 'Repubblica italiana' in
Romeinse letters
(inclusief de klassieke V veur de u).
Rifferenties
bewirk