Biebelsen tied
bewirk
't Weurt euver 't algemein aongenome tot Israel zoen 3500 jaor geleije iers dudelek vorm heet gekrege oonder lui oet
Kanaan
. In Aajd-Egyptische tekste keump de naom 'Israel' veur 't iers veur in 1209 veur de jaortelling. In 1020 veur de jaortelling woorte de Israelische dorpkes vereinig oonder ein keuninkriek, met
Saul
es keuning. Dit "Vereinig Keuninkriek vaan Israel" heet bestande tot 930 veur de jaortelling, en in totaal drei keuninge gehad: Saul,
David
en
Solomon
. Nao de doed vaan Solomon heet dit keuninkriek ziech gesplits in twie deile: 't noordeleke Keuninkriek vaan Israel, en 't zuideleke Keuninkriek vaan Judah.
Dees situatie bestoont tot 722 veur de jaortelling, toen 't
neo-assyrische riek
Israel bezat en haor hoofstad (toen Samaria) vernetigde. In de zesde iew veur de jaortelling woort Judah veroverd door
Nebuchadnezzar II
oet
Babylon
, boenao d'n
tempel vaan Solomon
vernetig woort en de bevolking woort verbanne nao Babylon. Viefteg jaor later woort Babylon zelf weer veroverd door
Perzie
, en oonderdaone vaan aander volke woorte relizjieus vrijheid gegeve, boenao de lui van Judah (de Joede) zien trokgekierd nao Judah. D'n
Twiede Tempel
vaan Jeruzalem woort gebouwd. Roond dees tied heet 't Joedse geluif, wie v'r tot noe kinne, ziech dudelek oontwikkeld ('t woort 'Joed' kump oeteindelek vaan 'Judah').
Door invlood van de Grieke woort Israel later hellinistischer, meh kraog in 160 veur de jaortelling toch volledig zelfbestuur oonder de
Hasmoonse
dynastie. Dit keuninkriek waor Joeds, allewel de bureaucratie vaol zaot met Grieke. De Hasmoonse dynastie heet 't tot 37 veur de jaortelling oetgehawwe, toen de
Romeine
keuning
Herod
op d'n troen zatte. Neet vaol later moot
Jezus vaan Nazareth
gebore zien in
Bethlehem
.
'n Paar decennia nao de doed vaan Jezus hobbe ziech 'n aontal Joedse opstande tege de Romeine veurgedoon, met es einde d'n
Opstand vaan Bar Kochbah
, vaan 132 tot 136. Tiedes dees opstand voonte volges de
Cassius Dio
580.000 Joede d'n doed, en woort d'n Twieden Tempel in Jeruzalem vernetig. Keizer
Hadrianus
verbooj Joedse zake, boenao de bevolking wijer kroomp en lankzaamaon ewegtrok, met de Joedse
diaspora
es gevolg.
Ottomaansen tied
bewirk
Zionisme en de Britsen tied
bewirk
Theodor Herzl, grondlegker vaan 't zionisme
In de
negetiende iew
waor 't credo vaan 't Joedse establishment in Europa um ziech ummertouw mie te assimelere in de Europese maatsjappij, in de hoop tot dit anti-semetisme zouw vermindere. Tot d'n
Oosterieks-Hongaarse
journalis
Theodor Herzl
in 1895 zien book
Der Judenstaat
publiceerde. In
Der Judenstaat
betoogde heer tot de Joede beter aof zouwe zien in hun eige land, tot bij veurkaor in 't historische Joedse toesland - Israel - zouw mote koume te ligke. Dit idee vaan zionisme bleek aon te sloon bij vaol Europese Joede, en woort versterk door de herleving vaan 't
Hebreeuws
es daogelekse taol door Eliezer Ben-Jehudah. 't
Joeds Nationaal Fonds
en aandere organisaties woorte opgeriech um Joedse immigratie nao Palestina te oondersteune. In 1922 waore 'rs 83.000 Joede in Palestina; in 1946 waore tot 'rs al 608.000.
Nao 't einde vaan d'n
Ierste Wereldoorlog
veel 't
Ottomaans Riek
oeterein, en naome de Britte de mach euver in e groet gedeilte vaan 't Midde-Ooste, boe-onder 't allewiel Israel, noe umgedaop tot 't
Britse Mandaat in Palestina
. Al in 1917 stelde de Britte veur um 'n Joedse staat op te riechte in 't Mandaat, met de
Verklaoring vaan Balfour
. Nao etnische relle in 1920 woort de
Haganah
opgeriech, um de Joede te verdedige tege Arabisch en Brits geweld. Nao de oonaofhenkelekheid vaan Israel in 1948 transformeerde de Haganah tot 't Israelische leger. In 1922 woort de Balfourverklaoring in groete maote euvergenome door de
Volkerebond
, tot de Britte e mandaat gaof um tot 1948 te zorge veur de splitsing vaan Palestina in 'ne Joedse staot en 'nen Arabische staot. In dees tied gaof 't vaol Joedse immigratie nao 't mandaat, tot in grofweg vief golve - de Aliyah's ("trokkoms") - bestoont. Nao de opkoms vaan 't
Nazisme
in Europa greujde dees immigratie ummertouw gawwer, wat de spanninge in 't Mandaat op sjerp zat. De Britte perbeerde vaanaof 1939 Joedse immigrante tege te houwe; vaol Joedse immigrante die de
holocaust
zjus hadde oontvloch, kaome in Britse detentiekampe terech (oonder aandere op
Cyprus
).
Nao d'n
Twiede Wereldoorlog
woorte de
Vereinigde Naties
opgezat, dat al in 1947 een
resolutie
aonnaom (33 veur, daartien tege en tien blanco) tot splitsing vaan 't Mandaat in 'ne Joedse staot en 'nen Arabische. De Joede zouwe 'ne smale kosstrook kriege en daoneve de noordeleke vlaktes en de Negev-weustenij, de Arabiere de res vaan 't land. Jeruzalem zouw direk oonder VN-bestuur kaome te valle - neet Joeds, neet Arabisch.'t Partitieplan woort door de mieste Joede good oontvaange; me waor daan ouch euver 't algemein content. De Arabische inwoeners waore daorentege fel gekant tege 't plan, en neet vaol later braok daan ouch 'nen borgeroorlog oet. De Joede zaote in 't begin vaan dees borgeroorlog in 't defensief, meh sloge later trok met succes. De Palestijns-Arabische economie implodeerde en 250.000 Arabiere vluchtte of woorte verdreve. Daotegeneuver vlochde vaol Joede venoet Arabische en Noord-Afrikaanse len nao Israel.
VN-partitieplan veur 't Brits Mandaat in Palestina. Oranje: gebede gemeind veur de Joedse staot. Geel: gebede gemeint veur de Arabische staot. Jeruzalem en umgeving (wit) zouw aon gein vaan bei touwvalle en oonder VN-bestuur koume.
Staot Israel
bewirk
Op de veuraovend vaan 't einde vaan 't Brits mandaat, op 14 mei 1948, verklaorde
David Ben-Goerion
Israel veur oonaofhaankelek. Op dat momint waor d'n borgeroorlog nog in volle gaank. De Haganah, de groetste Joedse paramilitair groppering, woort umgevormp tot 't Israelische leger. D'n aanderen daag verklaorde
Egypte
,
Transjordanie
,
Syrie
,
Libanon
en
Irak
de nuien Israelische staot d'n oorlog. In december vaan datzelfde jaor annexeerde
Jordanie
(toen nog Transjordanie) de gebiede die me allewijl de Westeleke Jordaanover neump. In 't veurjaor vaan 1949 woorte versjellende wapenstilstande geslote met de Arabische len, met op z'n les Syrie op 20 juli 1949. De grenze die toen zien aofgesproke (de
greun lijn
) gelle euver 't algemein nog ummer es internationaol erkinde grenze. 't Westelek deil van Jerusalem kaom in 't Israelische gebied te legke.
Nao d'n oorlog kraog Israel te make met groetsjaolege immigratie. Zoe'n 700.000 Joedse vluchtelinge, veurnamelek oet Europa en de Arabische wereld, zowwe Israel bereike in de drei jaore tosse 1948 en 1951. Nog mie zouwe later kaome. De bevolking greujde vaan 800.000 in 1948 naor 2 miljoen in 1958. Dit had ziene weerslaag op de ikkenomie. Op vaan alles waor e tekort. De socialistische regering vaan Ben-Goerioen had meujte roond te koume, gezeen de mieste immigrante vlochtelinge waore met wieneg of gein bezittinge en geld. In september 1952 woort daan ouch 't in Israel zier controversieel
Verdraag vaan Luxemburg
geslote tosse Israel en
Wes-Duitsland
, boemet de Duitsers de Israeli's inkel miljarde Duitse marke zouwe betaole es compensatie veur 'tginnege wat de Nazi's de Joedse bevolking hobbe aongedoon.
Nao d'n oorlog vaan 1948 waor de vrei veurluipeg geslote wie
Egypte
de Gazastroek en
Jordanie
de Westeleke Jordaankant annexeerde en Jeruzalem veur 't iers in zien historie verdeild raakde. Aofgezeen vaan de
Suezcrisis
in
1956
, wie Israel de kant vaan 't weste koos, bleef de jaore dao-op de vrei behawwe. In
1967
vlamde dit conflik weer op, met dezelfde aonleiing. Oetindelek woort Israel aongevalle door Egypte, Jordanie en
Syrie
tegeliek. Door zien militair superioriteit evels won Israel dezen oorlog binne inkel daag. In wat me de
Zesdaogsen Oorlog
is goon neume bezat Israel neet allein gans Palestina (dus ouch de Gazastroek, Oos-Jeruzalem en de Westeleke Jordaankant), meh pakden 't ouch de
Golanhuugde
vaan Syrie en de
Sinai
-weuste vaan Egypte. Dit gaof 't land diverse strategische veurdeile op de naoberlen. Ouch de
Jom Kippoeroorlog
vaan 1973, boe-in Egypte en Syrie perbeerde hun bezatte stokker land weer trok te kriege, leep oet op 'n Israelische euverwinning.
't Conflik kraog roond 1970 wereldwij allure: Israel en de Arabere lete ziech steune door respectievelek de VS en de Sovjet-Unie, zoetot 't in de contex vaan de
Kawwen Oorlog
woort oetgevochte. Met 'nen aonslaag vaan Palestijnse terroriste op Israelische atlete bij de
Olympische Speule
vaan 1972 kaom 't conflik ouch nao Europa.
Later in de jaore zeventeg begos d'n Egyptische president
Anwar Sadat
de vrei met Israel op te zeuke. De zaak vaan doorvaart euver de Roej Zie woort geregeld en Israel gaof tosse 1979 en 1982 de Sinai-weuste trok. In dat leste jaor lejde evels 't conflik met
Libanon
op, met naome met de sjiitische beweging
Hezbollah
. Dees grop gong de verbinding aon met de Palestijnse gewaopende verzatsgrop
PLO
. 't Gevolg waor 'nen oorlog op Libanees groondgebeed. Nao e paar maond vechte kaom 't tot 'ne status quo; in 1985 woort formeel de vrei geteikend.
In de jaore negenteg leek 't conflik met de Palestijne tot 'n ind te koume. De PLO oonder
Yasser Arafat
stumde, in euverlegk met premier
Yithzak Rabin
, drin touw de waopes neer te legke. In ruil woort de control vaan deile vaan 't Palestijns gebeed aon 'n nui te stiechte Palestijnse otoriteit euvergelate. Dit akkoord leep evels gaw stok: Rabin woort door 'ne radicaole joed vermaord en ouch aon Palestijnse kant voonte vaol lui dit akkoord te gemaoteg. Ein vaan de groete pijnpunte waore de kolleniste die Israel intosse op de Westeleke Jordaankant had laote woene. Oonder ziene rechsen opvolger
Benyamin Netanyahu
, dee tot op d'n huiegen daag ofwel premier of oppositieleier is gewees, radicaliseerde de hajding vaan Israel.
In 2000 naom 't gewaopend verzat vaan de Palestijne de vorm vaan 'nen opstand aon (
Twiede Intifada
), die tot 2005 doorde. Neve de PLO (en haor militair tak
Fatah
) kaome ouch de radicaolder beweginge
Hamas
en
Islamitische Jihad
in de jaore negenteg en nul op. Ouch nao 't ind vaan d'n Intifada in 2005 bleef 't neet rosteg. Naotot Hamas de verkezinge vaan 2006 won, waor de band met de Palestijne gooddeils verbroke. Hamas pakde zien machsbasis in de Gazastroek, boe 't vrij speul kraog en met regelmaot rakette op Israel aofvuurde. In de regel veurde dit tot zwoer represailles vaan Israelische kant. 't Conflik escaleerde compleet wie Hamas in 2023 'ne groondaonval op Israelische borgers deeg. In
de groetsjaolege vergeldingsactie
vaan Israel die drop volgde kaome doezende Palestijnse borgers um.
Israel heet zoen 8,6 miljoen inwoeners, boevaan ongeveer dreikwaart Joeds is. De res is met name Arabisch (boevaan weer de meiste moslim zien, met 'n klein christeleke minderheid). De euvergroete mierderheid vaan de christene is etnisch
Arabier
. Israel heet al jaore de hoegste bevolkingsgreuj in de
OECD
.
De Joedse bevolking kint opgedeild weure in de
Asjkenazi
, die oet Midde- en Oos-Europa koume, en de
Sefardi
, die oet de len um de
Middellandse Zie
en Arabische len koume. Wijer kint me de Joedse bevolking opdeile in de seculiere (de groetse grop), relizjieuze en de orthodoxe
Charediem
.
Israel is sterk verstedelek, en grofweg de haaf vaan de bevolking woent in de metropool in en roond
Tel Aviv
(de
Goesj Dan
). De meiste stei zien etnisch homogeen, met plaotse boe met naome Joede woene, en plaotse boe met naome Arabiere woene. De Arabische bevolking woent met name in de oosteleke
Sjaron
en in 't noorde. Gemengde stei zien
Jeruzalem
,
Haifa
,
Akko
en in mindere maote ouch
Tel Aviv
.
Daoneve gief 't 'n paar kleiner etnische groppe, wie de
Tsjerkesse
en de
Armene
. De
Druze
woene met naome in 't noorde vaan Israel, en de nomadische
Bedouiene
zwerve euver de wijer praktisch lege Negev.
In Israel zien 't
Hebreeuws
, gevolg door 't
Arabisch
, de meis gesproke taole. 't
Rossisch
is de daarde taol. Aander taole weure door klein minderhede gekald. Op 19 juli 2018 stumde 'n mierderheid in de Knesset in met 'n wet, boe-in oonder mie steit tot de einsigste officieel taol vaan Israel 't Hebreeuws is.
[1]
Commons
Op de pazjena
Israel
van Wikimedia Commons zeen media gerelateerd aan dit ongerwerp te venje