Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
Thor/Donar veurt door de loch. Sjelderij oet 1872 vaan
Marten Eskil Winge
.
D'n
donderdag
is 'nen
daag
vaan de
week
. 't Is vaanajds de vijfden daag vaan de week, meh in de westerse werkweek gelt 't es de veerden daag.
De naom kump vaan de
Germaanse god
Donar
, d'n
eponimische
god vaan d'n
donder
. Oersprunkelek het d'n daag
dies Jovis
(in 't
Latien
) daan wel ?μ?ρ? Δι?? (
hemera Dios
, in 't
Aajdgrieks
). Donar woort dus
geliekgesteld
met
Jupiter
. Allewel tot Donar (aanders es Jupiter en
Zeus
) geinen oppergod is, zien ze wel allemaol god vaan d'n donder. Feitelek is d'n daag neet direk geneump nao de god Jupiter, meh nao de
planeet
, wie de aander weekdaog. 't
Astronomisch symbool
veur Jupiter
?
woort veural vreuger ouch veur d'n donderdag gebruuk.
In de
Roems-Kathelieke Kerk
is
Witten donderdag
'ne belaankrieken daag. 't Is naomelek d'n daag vaan 't
Leste Aovendmaal
, d'n daag tot Zjezeke met zien apostele samezaot en daonao door Judas woort verraoje en gearresteerd. Ouch
Hiemelvaartsdaag
velt op 'nen donderdaag, zoe good wie d'n
Amerikaanse
fiesdaag
Thanksgiving Day
. Door zien associatie met d'n oppergod gelt d'n donderdaag in vaol culture vaanajds es
geloksdaag
.