Dit artikel is gesjreve (of begos) in 't Mestreechs . Laes hie wie v'r mit de versjillende saorte Limburgs omgaon.

Alva Myrdal , gebore es Alva Reimer ( Uppsala , 31 jannewarie 1902 - Danderyd , 1 fibberwarie 1986 ) waor 'n Zweedse sociologische , diplomaotse en politica veur de Zweedse Sociaoldemocratische Partij . Zie waor 'ne promininte leier vaan de anti-waope-beweging en 'ne fellen tegestender vaan nucleair waopes . Zie waor, same met Alfonso Garcia Robles , de winneer vaan de Nobelpries veur de Vrei in 1982 . Zie trouwde met Gunnar Myrdal in 1924 , dee zelf de Nobelpries veur Economie won in 1974 . Heimet waore zie twie 't veerde getrouwde koppel wat oets allebei Nobelpriezer won. Ouch waore ze 't ierste koppel wat los vaan mekaar (dus neet es gezaomeleke kandidaot veur eine pries) twie Nobelpriezer wonne.

Einen daag naotot Myrdal 84 woort, ging zie hiemele.