Dhyworth Wikipedya, an godhoniador rydh
Lojyk
yw an studhyans a resnans ha gwiryonedh. An rewlys a lojyk a asa dhe
filosoforyon
gul didhothyansow herwydh lojyk a-dro dhe'n bys. Lojyk a wer dhe
dus
ervira mars yw neppyth gwir po fals.
Lojyk anformel a assay deskrifa argyansow ewn yn anformel, rag ensampel dre worra yn rol eghennow a falstybyansow. Lojyk formel a dhiskwedh menegyansow ha patronyow dadhel gans arwodhigow, der usya kevreythyow formel kepar ha lojyk selyek. Yn lojyk formel, lojyk
mathematigel
a studh an nasyow awgrymek a gevreythyow lojykel ha lojyk filosofek a wra aga gweythresa dhe gudynnow filosofek kepar hag an natur a styr, godhvos ha bosva.
Skrifys yw lojyk yn fenowgh yn kesresnansow hag yw unn eghen a brov herwydh lojyk. Kesresnans yw gwrys a guntel a venegyansow usys dhe brevi an menegyans finek, gelwys an gorfen, herwydh lojyk. Ensampel aswonnys yn ta a gesresnans lojykel yw:
- Pub den yw marwel.
- Socrates
yw den.
- Ytho, Socrates yw marwel.
An menegyansow byghan a wra an argyans, yn keth maner hag atomow a wra molekulys. Pan yw lojyk gwir, an menegyans a wra "sewya" an eyl y gila. Yma talvosogeth gwiryonedh dhe venegyansow. Henn a styr i a yll bos prevys gwir
po
fals, mes nag an dhew.
Lojyk yw dhe les rag asrannow erel a studhyans kepar ha
yethonieth
, skiens konvedhes hag
amontyorieth
.
Yma'n erthygel ma owth usya an
Furv Skrifys Savonek
a-barth Kernowek kres.