Robert Mugabe

He die Sie os op Stolberjer Platt
(Sije op Stolberjer Platt )
un jeschrieve wie moch ot kallt
(Sije jeschrieve wie moch ot kallt )

Robert Gabriel Mugabe (* 21. Februar 1924 a Masvingo, Simbabwe ) woor dr Chef van d ZANU-Partei un va 1987 a ot Staatsovverhaupt van dat Land. En d ischte Joohre wood ha als Spraacher van dr Sude va Affrika ajesee avver dat andernde sisch en d leitzte Joohre. Mi un mi hood mo ham voor ono Diktator da d Weetschaf va si Land araavweetschafte deed. Ha wood am 21. November 2017 aafjesetz. ^[1]

Si Laave [ Andere · der Qualltax andere ]

Mugabe wood en ot vreuere Rodesie jeboore un studiirde an d For-Har-Universiti. Dono maade ha si Studium an ono Hoof anger Stelle a Afrika wiir un werkde zm Deel och do. A Jana liirde ha sing Vrau Salli kenne, di avver 1992 storv. Mugabe hiirode spiir sing Sekritarin.

Mugabe en d Politik [ Andere · der Qualltax andere ]

Em Joohr 1960 koom Mugabe no Rodesie zorock, vortoon on marxistischo Astellung un wood Chef van dr radikale Vleuel van d ZANU-Partei . Ha koom voor 10 Joohr en ot Jevangnes un kampfde dono jaje d Wisse a si Land. Als d Anglander d wisse Rejiierung dorch on schwazze ersatz, wood Mugabe am 4. Maaz 1980 zm Premiemenester jewaahlt. En di ischte Joohre vorsproch Mugabe dat a si Land Schwazz un Wiss zsammelaave kutte avver dat andernde sisch bald. Sing Politik wood radikaler un radikaler. Sing Jeschner woode ongeerjebottert, d Weetschaf a si Land jang kapott un watt vreuer o Land met d beidste Schulle a Afrika woch, dat wood a Antwicklungsland. Mugabes Luuh braate 1982 onjevaar 20.000 Mensche om.

1987 schaffte Mugabe dat Amt ?Premiemenester“ aav un maade sisch zm Prasident. On Oppusitiun joov ot bo net. S wood met Jewalt ongerdrockt. Mugabe notzde alles watt sing Positiun stark maade. Beij Waahle en d Joohre 1990 un 1996 wood Mugabe a si Amt bestaticht. Ha jovv bekannd, dat su lang ha laavde, Simbabwe kenne angere prasident ha weed.

Als en d 90er Joohre d Apartheed a Sudafrika z Ang jang, Mugabes Vrau storv un komm noch Jeld a si Land koom vorscharvde sisch sing Politik noch mi. Mi Kopp rollde.

1998 jreffe sing Soldate dr Kongo a.

Z on Hongersnuut koom ot als Mugabe am Ang van d 90er Joohre d Wisse ot Land aavnoom. Ha hod erwaat dat d Schwazze ot schaffde, si Land z vorsorje avver dat fluppde net. Simbabwe wood armer un armer.

Omstraddene Waahlsiije joov Mugabe en d leitzde Joohre bkannd als ha Morgan Tsvangirai bosiichde.