Mao Zedong (* 26. Dezember 1893 in Shaoshan ; † 9. September 1976 a Peking ) woch dr Vorsetzende va d kommunistische Partei va China . Usserdam hod ha dr Vorsetz van d zentrale Volksrejiirung un woch Staatsprasident va China. No ham wood d politische Bewajung Maoismus jenannd. Mao Zedong, da dock ma Mao jenannd weed, woch enne van d bekanndste Politiker van ot 20. Jahrhondot.

Sii Laave [ Andere · der Qualltax andere ]

Sing Kengkheed [ Andere · der Qualltax andere ]

Mao wood am 26. Dezember 1893 als aldste Jong van on Burefamelisch a Zentralchina jeboore. Dat Dorp , a dam ha laavde, woch osu aavjescheede, dat ha va dat, wat en dr Rest va d Welt aavjang, nuuß metbekoom. Ha besood d Schull em Huuß va singe Liihrer, wobeij ha dobeij ma uswendisch liihrde, wat Konfizius jeliihrd hod. Dobeij hod ha opjrond va singe Deckkopp dock Kniiß met angere. Nodam ha d Meddelschull a Changsha besood, vong ha a, sich voor Politik z interesseere. Ha holde flott op, wat ha en sing ischde Joohre vorpaaßd hod. Sing ischde Opsatz entstange. Ot zeechde sisch flott, dat ha zo ono Rebell wood. Su schnett ha d Luuh d Flaate aav, di mo zo di Zitt dock hod.

Mao sproch Xiang un ma met Mohde Chinesisch .

En d Zitt van d Chinesische Revolution va 1911 wood ha no d Armee va Hunan ajetrocke, jang dono avver warm no d Schull.

1918 trock ha no Peking, wo ha en d Boscherei van d Peking-Universitat werkde. Dobeij liihrde ha Li Dazhao kenne, ono Marxist, da d kommunistische Partei va China jrunde. Zo di Zitt troff ha ot ischde Mol sing spiidere zweide Vrau Yang Kaihui .

Em Joohr 1923 wood Mao op d zweide Parteikongress en ot Zentralkomitee jewahld.

D Zitt van d Burjerkresch [ Andere · der Qualltax andere ]

Mao vorsood sisch bei dr Herbsternte-Opstand , da avver neerjeschlaare wood. Zosamme met o paar Ovverlaavende trock ha sisch en d Berch va Jingjang zorock. Do troff ha anger Soldate, di och vorloore hodde, un dang sisch met dono zosamme. Zo di Zitt vong Mao a, sing Jechnere azoschuchtere, zm Deel sujar omzobrenge. Mao wood flott stark un beherrschde em Joohr 1928 a Jebiet, a dam om d 500.000 Luuh laavde. Stritt tosche Maos Jruppe un d Jruppe, di zo dr Komintern jehoote, sorchde dovoor, dat ot dock Kresch joov. Zo di Zitt liihrde Mao sing dreide Vrau He Zizhen kenne, nodam ha sing zweide zorockjelosse hod, di bald va sing Jechnere vassjenomme un 1939 omjebraad wood.

Om ot Joohr 1934 mood Mao avver si Jebiit opjavve. Ha trock sich zosamme met sing Soldate em sujenannde Lange Marsch no Yan’an zorock, wobeij so Schess hodde. Do Soldate van dr KMT woore hono op d Vachde. Sing dreide Vrau maade d Jesondheed Schwierichkeete, un so wood no Russland jescheckd, om do warm op d Bee z komme. Jlichzittich holp ot Mao, o Kuddelche met sing spiidere viirde Vrau Jiang Qing aa z vange.

A Yan’an kutt Mao sisch avver ma met Holp va d Russe a Moskau helpe. Ha planzde Mohn a, om met da Verkoof va Hasch Jroschens en d Teisch z kriije.

Siich ovver Chiang Kai-shek [ Andere · der Qualltax andere ]

Nodam d Japaner opjejovve hodde un sisch us China zorockjetrocke hodde, kraachde ot warm a China. Dr Burjerkresch flammde warm op. Chiang Kai-shek un sing Soldate ongeloore dobeij d Kommuniste su, dat ha sisch am 1. Oktober 1949, dr Daach als d Republik China usjeroffe wood, no Taiwan zorocktrock.

China stelld sisch op d Siij va Korea jaje d USA [ Andere · der Qualltax andere ]

Nodam d USA am 7. Oktober 1949 no Nordkorea amascheerde, stallt sisch China op d Siij van dat Land, wobeij d Chinese onjevaahr 1 Milliun Soldate asatze. Ot fluppde am 4. Januar 1951, Seoul a z namme. Ot wood zo enne van d jrutzde Erfolje va Mao.

D Kulturrevolutiun (1966?1976) [ Andere · der Qualltax andere ]

Em Johr 1966 vong Mao’s Kulturrevolutiun a. Dobeij jang ot voor ot Volk dorom, reaktionare Jedanke en d Partei, onger Liihrer suwi Luuh, di Kultur schaffe dange, us z losche. Hanger d Hand wohl Mao sing Positiun sechere un Jechnere us dr Wach rumme. Ot leev dorop oruss, dat sich Jurendbande belde un d Kenger op d Schull d Liihrer zm Deel ombraade. Denkmale woode kapott jemaad, Bocher vorbrannd. D Jruppe om Mao vorsoote, Kenger dozo z kriije, d Aldere aa z zeeje.

D Kulturrevolutiun jang isch 1976 z Ang.

D Ussepolitik onger Mao [ Andere · der Qualltax andere ]

Dr jrutzde Erfolch va Mao’s Ussepolitik woch d Opnahm va China en d Vereenichte Natiune em Joohr 1971. Zo d jliche Zitt wood Taiwan ussjeschlosse.

Em Joohr 1972 besood Richard Nixon Mao. Dodorch wood ot mojelich, ono Bleck en dat sonß vorschloße Land z werpe. Mo sproch van dr Bambusvorhang, da China vorborje halt.

Mao Zedong storv am 9. September 1976 a Peking.

Jatt z laase [ Andere · der Qualltax andere ]

• Werke Mao Tse-tungs a dutsche Sproch