Heiliges Romisches Reich
wor die offiziell Bezeechnung von dam Herrschaffsjebiet von da Romisch-deutsche Kaiser vom
Meddelalder
beß zom Johr 1806. Da Naam von dam Reich hatt me em Meddelalder dovon affjeleit, dat me sich op die Tradition vom antike
Romische Reich
beroofe wollt. Dat Helije Romische Reich eß d'r Ursprung da jetzije Nationalstaate Deutschland un Osterreich. Zor Ungerscheidung von dam 1871 jejrondete
Deutsche Reich
saat mer en d'r historischen Forschung och
Altes Reich.
Dat Reich hatt sich em 10. Johrhundert unger da Dynastie von d'r Ottone uss damm ahle
karolingische
Ostfrankenreich
erussjebildt. Da Naam
Sacrum Imperium
eß schon 1157 un da Tittel
Sacrum Romanum Imperium
1254 ierschmols urkundlich belasch. Zick em 15. Johrhundert daat sich allmahlich da Zosatz
Deutscher Nation
entwickele.
Weil dat Reich ene ovvernationale Charakter hatt, konnt et sich nie zo'nem moderne
Nationalstaat
, wie m'r en huck kennt, entwickele, sondern eß immer e monarchisch, standejebungenet System uss Kaiser, Reichsstand un wenije jemeinsame Reichsinstitutione jeblevve.
Schon aff d'r
frohen Neuzick
wor dat Reich politisch nimmie fahich sing Maach un Jebiet durch Kreesch ze verjroßere. Doher hatt me da Raaschsschutz un de Vriddenswahrung als eijentliche Zweck vom Reich betraach. Dat Reich sollt fur Ruh, Stabilitat un d'r friedlichen Oplusung von Konflikte sorge, endamm et damm Maachstrebe Enhalt jebeede daat. Ungerdahne sollt et von d'r Willkur von d'r Landeshaare un kleenere Reichsstand vur Raaschsverletzunge starkerer Stand un damm Kaiser schotze. Weil zick 1648 och Nohpere als Reichsstand singer Verfassungsordnung beijetrodde wore, hatt dat Bestohn vom Reich och noch d'r Vridde en Europa jesechert.
Dat sich dat Reich zick Mette vom 18. Johrhundert immer wenijer jajen innere un außere Maachte schotze un wehre konnt, wor singe jrußte Nohdeel un eene von da Grond, dat et letzendlich ungerjejange eß. Durch die Besetzunge vom
Napoleon
un da Grondung vom
Rheinbund
wor'et fass handlungsunfahig jewudde. Et
Heilige Romische Reich Deutscher Nation
eß aam
6. August
1806
met d'r Hinlajung von d'r
Reichskron
durch Kaiser
Franz II.
ungerjejange. Die ovverich jeblevvene Reichskleinodie wie zom Beispell de Reichskron, d'r Reichsappel un esu wigger, kamme huck en Wien em Museum bewundere.