Otto van Guericke ya iku penemu pompa banyu . ^[1] Dheweke lair ing Magdeburg , Jerman , tanggal 30 Mei 1602. ^[1] Kulawargane kagolong bangsawan. ^[1] Nalika isih cilik, dheweke duwe kasenengan ngemati lintang . ^[1] Dheweke kerep ngemati lintang kanthi migunakake teleskop . ^[1] Kesenengan iki kang ndadekake dheweke nyinaoni komet . ^[1] Ing taun 1664, kanthi temenen, dheweke nganakake panaliten ngenani komet. ^[1] Asile, dheweke bisa ngramal manawa komet bisa teka ing bumi kanthi berkala, dhedhasar interval wektu. ^[1] Guericke ya iku sawajining penuntut ngelmu sajati. ^[1] Sawise ngrampungake sekolah dhasar lan menengah, dheweke nerusake sekolah ing Universitas Lepzig , Jerman banjur dheweke jupuk Jurusan Hukum ing Universitas Jena ing taun 11621. ^[1] Rong taun candhake, dheweke sekolah ana ing Universitas Leiden , Walanda , lan jupuk jurusan Matematika lan Mekanika . ^[1] Sawise lulus, dheweke lunga menyang Prancis lan Inggris . ^[1] Nalika bali, dheweke langsung entuk gawean minangka insinyur ing Erfurt , Jerman . ^[1]

Taun 1627 dheweke bali ing Magneburg, lan nyambut gawe ing babagan pulitik. ^[2] 19 taun candhake, dheweke kapilih dadi Wali Kota Magdeburg, lan njabat suwene 5 taun. ^[2] Panemon pompa banyu kawiwitan saka ora percayaning Guerick marang panemune Aristoteles kang kandha manawa ora ana ruwang kosong ing donya iki. ^[2] Dheweke banjur nganakake percobaan ya iku dheweke nyawijeake rong lempeng tembaga dadi bal, banjur udarane dipompa metu. ^[2] Dadi tabung tembaga mau ora ana udarane. ^[2] Banjur saka sisih kang kwalikan ditarik dening jaran papat. ^[2] Nanging, jaran-jaran mau ora bisa misahake lempeng tembaga mau. ^[2] Nalika udara dilebokake ing tabung, lempeng tembaga mau bisa pedhot. ^[2] Percobaan mau dibaleni maneh ing Berlin kanthi migunakake jaran cacah 24. ^[2] Nanging asile tetep padha, jaran mau ora bia narik lempeng tembaga. ^[2] Saka perobaan mau, Guerick mbuktekake ngenani teyori kekuwatan tekanan udara. ^[2] Prinsip iki kang ndasari kerjane pompa banyu. ^[2]

Cathetan suku [ besut | besut sumber ]