Saka Wikipedia Jawa, bauwarna mardika basa Jawa
Kluwung
,
kuwung
,
wangkawa
utawa
endracapa
(tegese: gendhewane Bathara Endra) iku pratanda
optik
lan
meteorologi
wujud
cahya
maneka
warna
jinejer mlengkung ing
langit
utawa papan liyane. Ing langit, kluwung katon kaya
gandewa
cahya kang pucuke ngarah ing
horizon
nalika udan riwis-riwis. Kluwung uga bisa katon ing sacedhake
grojogan
.
Racake udan anane ing wektu sore, saengga kluwung katon ing sisih wetan. Dene menawa esuk, kluwung katon ing kulon, diarani
teja
.
Cahya
srengenge
iku cahya polikromatik (kasusun saka maneka warna). Warna putih cahya srengenge minangka gabungan saka maneka warna kanthi dawa alun (ombakan,
glombang
) sing rena-rena. Mata manungsa bisa nangkep, paling ora pitung warna sing kagawa dening cahya srengenge, sing bakal katon saka kluwung, ya iku:
abang
,
jingga
,
kuning
,
ijo
,
biru
,
nila
, lan
wungu
.
Dawa alun cahya iki mangun pita-pita garis paralel, saben warna nglebur alus karo warna sisihe. Pita iki karan sepektrum. Ing sajeroning sepektrum, garis abang tansah ana ing salah sawijining sisih lan biru sarta wungu ing sisih liyane, lan prakara iki kantentokake amarga prabedan dawane alun.
|
Wikimedia Commons duwe medhia ngenani
Kluwung
.
|