Jost Gippert

Jost Gippert (/?joːst ?g?p??t/, wiyos ing Winz-Niederwenigern, sapunika saperangan Hattingen, Jerman , 12 Maret 1956 ; yuswa 60 warsa) inggih punika linguis Jerman lan profesor ing linguistik komparatif wonten ing Institut Linguistik Empiris, Universitas Goethe Frankfurt. Piyambakipun mendeng dhateng basa-basa laladan Kaukasus , lan sampun mbabar kathah serat bab linguistik. ^[1]

Biografi [ besut | besut sumber ]

Bernard Outtier, Jost Gippert, Winfried Boeder

Warsa 1972, Jost Gippert wisudha saking SMA Leibniz-Gymnasium ing Essen, Jerman. Awit warsa 1972 ngantos 1977, piyambakipun nggegulang kawruh linguistik komparatif, widya india (indologi), widya jepang (japanologi), lan widya cina (sinologi) ing Universitas Marburg lan Universitas Bebas Berlin. ^[2] Sabibaripun, kala warsa 1977, piyambakipun pikantuk gelar akadhemik S-3 (Dhoktor) lumantar karyanipun bab widya ukara (sintaksis) ing tembung kados ta wujud infinitif ing basa-basa Indo-Eropah . Awit warsa 1977 ngantos 1990, piyambakipun ngasta minangka asisten panaliten lan minangka dhosen wonten ing universitas ing Berlin , Wina lan Salzburg . Nalika ngasta minangka asisten panaliten ing linguistik komputasi tumrap laladan Wetan Tengah ing Universitas Bamberg, Jost Gippert pikantuk palilah majeng minangka profesor saperlu mucal ing pawiyatan inggil lumantar dhisertasinipun ing warsa 1991 ingkang irah-irahanipun tembung-tembung silihan basa Parsi wonten ing basa Armenia lan Georgia .

Wiwit warsa 1994, piyambakipun mucal linguistik komparatif ing Universitas Goethe Frankfurt. Piyambakipun minangka anggota Akadhemi Widya Gelati (ing Georgia ) wiwit warsa 1996 lan minangka anggota sasana basa ing Akadhemi Widya Berlin-Brandenburg wiwit warsa 2007.

Kala warsa 1997, Jost Gippert kadhapuk minangka Profesor Kinurmatan dening Universitas Sulkhan Saba Orbeliani ing Tbilisi (Georgia), lan, kala warsa 2009, minangka Dhoktor Kinurmatan dening Universitas Ivane Javakhishvili ing Tbilisi lan, kala warsa 2013, minangka Dhoktor Kinurmatan dening Universitas Shota Rustaveli ing Batumi (Georgia).

Kawit Jost Gippert gadhah kalungguhan profesor linguistik komparatif ing Universitas Goethe Frankfurt taun 1994, piyambakipun migatosaken panitinipun dhateng rumpun basa Indo-Eropah kanthi umum lan sajarah, sarta tipologi basa ing tlatah Kaukasus. Minangka ahli linguistik komputasi, piyambakipun ngandhahaken proyek TITUS ingkang dipunpucuki taun 1987. TITUS punika ngerah kangge ngempalaken sedaya teks ingkang kuwarisan ing basa-basa rumpun Indo-Eropah lan basa-basa jejer kanthi digital lan lengkap.

Digital Humanities [ besut | besut sumber ]

TITUS, ARMAZI, GNC lan LOEWE [ besut | besut sumber ]

Jost Gippert inggih punika tiyang ingkang ngadegaken, ngembangaken lan marentah proyek TITUS ( Thesaurus Indogermanischer Text- und Sprachmaterialien ) wiwit taun 1987. ^[3] Taun 1999, proyek ARMAZI (Basa-basa lan kabudayan Kaukasus: Dokumentasi elektronik) dipunwiwiti kangge ngumpulaken sedaya materi basa-basa Kaukasus kanthi digital, ^[4] ingkang sepriki sampun dados korpus nasional basa Georgia . Wiwit 2010, Jost Gippert inggih punika pamimpin perangan "Digital Humanities Hessen" ing rangka proyek "Landes-Offensive zur Entwicklung Wissenschaftlich-okonomischer Exzellenz" (LOEWE) saking praja Hessen minangka proyek saekapraya antawis Universitas Goethe Frankfurt , Universitas Teknologi Darmstadt lan Freies Deutsches Hochstift (Museum Goethe ing Frankfurt).

Analisis naskah kuna kanthi elektronika [ besut | besut sumber ]

Wiwit taun 1990an, Jost Gippert sampun kasengsem dumugi naskah Wetan Tengah ing rangka sawatara proyek ingkang ngerah kangge mlebetaken utawi ngedit data naskah kina lan naskah palimpsest wonten ing komputer , upamane naskah palimpsest basa Aghwan ( Caucasian Albanian ). Ing rangka tumindak mau, piyambakipun dados dhayoh ing golongan peneliti "Kabudayan Naskah" ing Universitas Hamburg taun 2009. Taun 2013, piyambakipun wangsul dhateng Hamburg malih minangka Panrima Kasarjanan Petra Kappert kangge matungi ing pangembangan "Encyclopedia of Manuscript Cultures of Asia and Africa" (Ensiklopedi Kabudayan Naskah Asia lan Afrika) sarta buku "Comparative Oriental Manuscript Studies" (Panaliten Naskah Oriental Komparatif).

Karya [ besut | besut sumber ]

Pilih proyek [ besut | besut sumber ]

1995-1998 ( DFG ): Avesta and Rigveda: Electronic Analysis
1995-1999 (INTAS): The Georgian Verbal System
1999-2002 (Yayasan Volkswagen , EUR 117,900): Caucasian Languages and Cultures: Electronic Documentation
Awit 2000 (DFG): Graduate School “Types of Clauses: Variation and Interpretation”
2002-2006 (Yayasan Volkswagen, EUR 167,800): Endangered Caucasian Languages in Georgia
2003-2007 (Yayasan Volkswagen): Palimpsest Manuscripts of Caucasian Provenience
2005-2009 (INTAS): Georgian Gospels
2005-2007 (Yayasan Volkswagen, EUR 189,000): The Linguistic Situation in modern-day Georgia ^[5]
2008-2014 (DFG, EUR 240,000): Old German Reference Corpus
Awit 2008 ( BMBF ): German Language Resource Infrastructure
2009 (Yayasan Volkswagen, EUR 400,000): Ache Documentation Project
Awit 2009 (DFG/ NEH , EUR 96,000): RELISH (Rendering Endangered Languages Lexicons Interoperable Through Standards Harmonization)
Awit 2009 (Yayasan Volkswagen): Georgian Palimpsest Manuscripts
2010 ( Google Inc. , US$49,600): Corpus Caucasicum
Awit 2011 ( Hessen , EUR 3,792,000): LOEWE Research Unit “Digital Humanities ? Integrated Processing and Analysis of Text-based Corpora”
Awit 2011 (Yayasan Volkswagen, EUR 299,600): Khinalug Documentation Project
Awit 2011 (DFG): Relative Clauses in a Typological View
Awit 2012 (Yayasan Volkswagen, EUR 390,400): Georgian National Corpus

Pilihan panerbitan [ besut | besut sumber ]

1977: The syntax of infinitival formations in the Indo-European languages. (Europaische Hochschulschriften, 21/3), 360 pp.; Frankfurt, Bern, Las Vegas: Lang 1978. Dissertation
1990: Iranica Armeno-Iberica. A study of Iranian loan words in Armenian and Georgian, 451 + 389 pp.; Vienna: Austrian Academy of Sciences 1993. Inaugural dissertation.
2007: Gippert, Jost / Sarjveladze, Zurab / Kajaia, Lamara: The Old Georgian Palimpsest Codex Vindobonensis georgicus 2, edited by Jost Gippert in co-operation with Zurab Sarjveladze and Lamara Kajaia, 368 pp.; Turnhout: Brepols 2007.
2008: Gippert, Jost / Schulze, Wolfgang / Aleksidze, Zaza / Mahe, Jean-Pierre: The Caucasian Albanian Palimpsests of Mount Sinai, 2 vols., XXIV + 530 pp.; Turnhout: Brepols 2009.
2010: Gippert, Jost / Schulze, Wolfgang / Aleksidze, Zaza / Mahe, Jean-Pierre: The Caucasian Albanian Palimpsests of Mount Sinai. Vol. III: The Armenian Layer, edited by Jost Gippert., 220 pp.; Turnhout: Brepols 2010.

Cathetan suku [ besut | besut sumber ]

↑ "Lectures held by Gippert at the University of Frankfurt" Retrieved 2 March 2016
↑ "Jost Gippert's curriculum vitae" Retrieved 2 March 2016
↑ "The TITUS Project" Retrieved 2 March 2016
↑ "The ARMAZI Project" Archived 2016-07-08 at the Wayback Machine . Retrieved 2 March 2016
↑ "Die Sprachliche Situation im gegenwartigen Georgien (Basa Jerman)" Archived 2016-03-25 at the Wayback Machine . Retrieved 2 March 2016

Pranala njawi [ besut | besut sumber ]

Situs web Jost Gippert

[1] "Lectures held by Gippert at the University of Frankfurt" Retrieved 2 March 2016

[2] "Jost Gippert's curriculum vitae" Retrieved 2 March 2016

[3] "The TITUS Project" Retrieved 2 March 2016

[4] "The ARMAZI Project" Archived 2016-07-08 at the Wayback Machine . Retrieved 2 March 2016

[5] "Die Sprachliche Situation im gegenwartigen Georgien (Basa Jerman)" Archived 2016-03-25 at the Wayback Machine . Retrieved 2 March 2016

[1]

[2]

[3]

[4]

[5]