Jerome Boateng iku sawijine juru main bal-balan sing main ndhik perangan mburine tim Bayern Munchen . ^[1] Piyambake uga dadi andalan ndhik tim bal-balan Jerman . Pemain sing duwure 192 cm iki lair ndhik Berlin , Jerman tanggal 3 September 1988. ^[1] Piyambake iku adike Kevin-Prince Boateng juru main tim bal-balan Ghana . ^[2] Dheweke kabeh iku anak saka bapak sing wong Ghana lan ibu sing teka Jerman . ^[2] Nanging piyambake luwih milih mbela tim Jerman . ^[2]

Tetandhingan kapisane Boateng ndhik tim bal-balan Jerman diwiwiti wektu piyambake isih umur 21 taun. ^[3] Tanggal 10 Oktober 2009 piyambake main ndhik tetandhingan Kualifikasi Piala Dunia 2010 nglawan tim Ruslan . ^[3] Ndek Tetandhingan iku Boateng diusir teka lapangan amarga entuk kartu kuning ping pindho wektu menit 69. ^[3]

Boateng miwiti karire ndhik bal-balan profesional karo tim Hertha BSC taun 2007 nganti 2010. Sakbanjure iku piyambake setaun ndhik Manchester City , sadurunge main ndhik Bayern Munchen . ^[3]

Kemampuane menehi umpan dawa ngelingake perane quarterback ndhik permainan American Football . ^[4] Ndek taun 2014 Boateng dadi salahsijine juru main Jerman sing ngrasakno dadi juwara Piala Dunia lan taun 2016 piyambake isih dipercaya karo pelatihe Jerman kanggo main ndhik Piala Eropa Perancis . ^[5]

Cathetan suku [ besut | besut sumber ]