Areng watu (krama areng sela ) utawa setingkul yaiku sawijining watu bahan bakar fosil . ^[1] Arti umum yaiku watu kang bisa kanggo bahan bakar , asale saka endhapan organik, yaiku saka sisa tuwuhan lan kadhapur liwat proses pembatubaraan . ^[1] Unsur-unsur mligi saka karbon , hidrogen lan oksigen . ^[1]

Batu bara uga tunggale watu organik kang duwe sipat-sipat fisika lan kimia kang kompleks kang bisa ditemoni ing maneka bentuk. ^[1]

Analisa unsur menehi cara formula empiris kaya C ₁₃₇ H ₉₇ O ₉ NS kanggo bituminus lan C ₂₄₀ H ₉₀ O ₄ NS kanggo antrasit . ^[1]

Pambentukan areng watu mbutuhake kahanan-kahanan mirunggan lan mung bisa ing jaman-jaman kang ora mesthi saanane sajarah geologi. ^[2] Jaman Karbon, kira-kira 340 (yuta taun kapungkur), yaiku jaman pambentukan batu bara kang paling prodhuktif kang meh kabeh dheposit batu bara ( black coal ) kang ekonomis kadhapur ing bumi sisih lor. ^[2] Ing jaman Permian kira-kira 270 yuta taun kapungkur, uga kadhapur endhapan-endhapan batu bara kang ekonomis ing bumi sisih kidul, kaya ta Australia , lan maju terus nganti jaman Tersier (70 - 13 yuta taun kapungkur) ing bumi. ^[2]

Kabeh unsur pambentuk batu bara yaiku saka tetuwuhan. Jinis-jinis tuwuhan pambentuk batu bara lan umure miturut Diessel (1981) yaiku:

• Alga , saka jaman Pre-kambrium nganti Ordovisium lan duwe sel tunggal. ^[2] Ing periode iki endhapan batu bara sithik banget. ^[2]
• Silofita , saka jaman Silur nganti Devon Tengah , yaiku turunan saka alga. ^[2] Ing periode iki, endhapan batu bara uga sithik. ^[2]
• Pteridofita , saka jaman Devon dhuwur nganti Karbon dhuwur . ^[2] Materi utama pambentuk batu bara ing jaman karbon ing Eropah lan Amerika Lor . ^[2] Tuwuhan tanpa kembang lan isi, uripe nganggo spora lan urip ing iklim anget. ^[2]
• Gimnospermae , wiwit saka jaman Permian nganti jaman Kapur Tengah . ^[2] Tuwuhan heteroseksual , isi keblongsong ing woh , kaya pinus , lan ana unsur tlutoh ( resin ) kang dhuwur. ^[2] Jinis Pteridospermae kaya gangamopteris lan glossopteris yaiku panyusun utama batu bara Permian kaya ing Australia , India lan Afrika . ^[2]
• Angiospermae , saka jaman Kapur dhuwur nganti saiki. ^[2] Jinis tuwuhan modheren, woh kang nutupi isi, kurang tlutoh dibandhingake karo gimnospermae, dadi rada angel diawetake. ^[2]

Cathetan sikil [ besut | besut sumber ]