Sawijining taun ing Pananggalan Julius suwene ana 365,25 dina. Nanging amarga puteran bumi sing ngubengi srengenge suwene mung 365,2425 dina, mula saben sa- milenium , Kalendher Julius kaluwihan 7-8 dina. Masalah iki dipecahake carane nambahake karo dina-dina wuntu sing rada seje ing pananggalan anyar iki. Ing pananggalan Julius, saben taun sing bisa dibagi karo 4 dadi taun wuntu . Nanging ing pananggalan anyar iki mung taun sing bisa dibagi karo 100 dianggep taun wuntu, yen taun iki uga bisa dibagi karo 400 . Contone taun 1700, 1800 lan 1900 dudu taun-taun wuntu. Nanging taun 1600 lan 2000 iku taun wuntu.

Sawise pananggalan Gregoriyus dicanangake, ora kabeh nagara gelem nganggo. Lagi pirang abad sawise iki, meh kabeh nagara kulon gelem nganggo. Ruslan contone lagi gelem nganggo ing taun 1918 . Dadi Revolusi Kuminis Ruslan sing saiki dipengeti saben 7 November , diarani Revolusi Oktober .

Greja Ortodoks nganti saiki isih nganggo Pananggalan Julius .

Wiwit tanggal 1 Januari 1622 , 1 Januari ditetapake dadi wiwitane taun. Sadurunge saben nagara seje-seje.

• FAQ bab kalendher
• Kalendher Abadi

• 29 Februari