La
Rote Armee Fraktion
o
RAF
,
plu frue konocita kom la
Baader-Meinhof-Gruppe
o
Baader-Meinhof-Bande
, esis
west-germana
extreme-sinistra
terorista
grupo suportita da la
Stasi
.
La Rote Armee Fraktion fondesis en 1970 da
Andreas Baader
,
Gudrun Ensslin
,
Horst Mahler
ed
Ulrike Meinhof
. La west-germana guvernerio egardis ol kom terorista organizuro.
La RAF entraprezis serio de bombardi, asasini,
homkapti
, banko-furti, e fusilo-lukti kun
policani
dum tri yardeki. Li esis maxim aktiva en tarda 1977, to quo duktis a nacionala krizo konocita kom la "
Germana Autuno
". Li responsas pro triadek-e-quar morti, kun multa sekundara skopi, quala automobil-duktisti e homgarderi, ultre multa vundi tra preske triadek yari de aktiveso.
Quankam plu bone konocata, la RAF exekutis min multa ataki kam la
Revolucionala Celuli
(
Revolutionare Zellen
, RZ) qui responsas pro 296 bomb-ataki, incendio ed altra ataki inter 1973 e 1995.
Malgre ke Ulrike Meinhof ne egardesis kom duktero dil RAF irgatempe, elua partopreno en la eskapo da Baader de karcero en 1970 ed elua savata rango kom germana jurnalisto ed intelektozo, duktis ad publika asocieso inter el e la organizuro.
Esis tri "generacioni" dil organizuro:
- la "unesma generaciono" konsistis ek Baader, Meinhof e lia asociati;
- la "duesma generaciono", quo funcionis dum la meza- a tarda 1970a yari;
- la "triesma generaciono", quo existis en la 1980a e 1990a yari.
Ye 20ma aprilo 1998, ok-pagina mashinskribita letro en la
germana
faxesis a la novaj-agenterio
Reuters
, signatita "RAF" kun la mashin-fusilo e reda stelo, deklaranta ke la grupo dissolvesis. Tamen, en januaro 2016, la germana polico identifikis tri membri dil RAF inter la kulpinti pro atento ye
kamiono
quo transportis un milion
euri
, duktinta a suspekto ke la RAF esis forsan riaktiva.