Rutherford B. Hayes
Maika-19 a Presidente iti Estados Unidos
Nagakem Marso 4, 1877 ? Marso 4, 1881
Bise Presidente	William Wheeler
Inunaan ni	Ulysses Grant
Sinaruno ni	James Garfield
Maika-29 ken maika-32 a Gobernador ti Ohio
Nagakem Enero 10, 1876 ? Marso 2, 1877
Teniente	Thomas Young
Inunaan ni	William Allen
Sinaruno ni	Thomas Young
Nagakem Enero 13, 1868 ? Enero 8, 1872
Teniente	John Lee
Inunaan ni	Jacob Cox
Sinaruno ni	Edward Noyes
Kameng ti Kamara dagiti Pannakabagi ti E.U. manipud iti maika-2 a distrito ti Ohio
Nagakem Marso 4, 1865 ? Hulio 20, 1867
Inunaan ni	Alexander Long
Sinaruno ni	Samuel Cary
Dagiti bukod a salaysay
Naiyanak	Rutherford Birchard Hayes ( 1822-10-04 ) Oktubre 4, 1822 Delaware , Ohio , E.U.
Natay	Enero 17, 1893 (1893-01-17) (tawen 70) Fremont , Ohio , E.U.
Partido ti politika	Republikano (1854?1893)
Dadduma a kumadduaan iti politika	Whig (Sakbay ti 1854)
A(s)sawa	Lucy Webb
Annak	Birchard, Webb , Rutherford, Joseph, George, Fanny, Scott, Manning
Alma mater	Kolehio ti Kenyon Pagadalan ti Linteg ti Harvard
Propesion	Abogado
Pirma
Serbisio iti militar
Tumalekan	Estados Unidos Kappon
Serbisio/sanga	Buyot ti Estados Unidos Buyot ti Kappon
Tawtawen iti serbisio	1861?1865
Ranggo	Honorario komandante heneral
Yunit	Maika-23 nga Inpanteria ti Ohio Dibision ti Kanawha
Bakbakal/gubgubat	Sibil a Gubat ti Amerikano Gubat ti Abagatan a Bantay Dagiti Tanap a Kampania iti 1864

Ni Rutherford Birchard Hayes (Oktubre 4, 1822 ? Enero 17, 1893) ket isu idi ti Maika-19 a Presidente iti Estados Unidos (1877?1881). A kas presidente, isu ti nangimaton ti panakalpas iti Panagipatakder manen ken ti iseserrek ti Estados Unidos iti Maikadua a Rebolusion ti Industria . NI Hayes ket maysa nga agrepreporma a nangrugi kadagiti ganetget a nangiturong ti reporma a sibil a serbisio ken nagipadas ti, napaay, a panagtunos dagiti panagsina a nangiturong ti Sibil a Gubat ti Amerikano idi nasapsapa a limapulo a tawtawen.

Isu ket naipasngay idiay Delaware, Ohio , ni Hayes ket nagsanay ti linteg idiay Lower Sandusky (tattan a ti Fremont ) ken paradawat ti siudad iti Cincinnati manipud idi 1858 aginggana idi 1861. Idi nangrugi ti Sibil a Gubat, ni Hayes ket pinanawanna ti naballigi a karrrer ti politiko tapno sumrek ti Kappon ti Buyot . Isu ket nasugatan ti namin lima a beses, ken nakaro a nasugatan idiay Gubat ti Abagatan a Bantay , isu ket nakagun-od ti dayaw para iti kinatured iti gubatan ken naipangato ti ranggo iti komandante heneral . Kalpasan ti gubat, isu ket nagserbi idiay Kongreso ti Estados Unidos manipud idi 1865 aginggana idi 1867 a kas maysa a Republikano . Ni Hayes ket pimmanaw idiay Kongreso tapno agtaray para iti Gobernador iti Ohio nga isu ket nabutosan ti dua a termino, a nagserbi manipud idi 1867 aginggana idi 1871. Kalpasan ti panakagibus ti maikadua a terminona, isu ket nagituloy ti panagsanayna iti linteg, ngem nagsubli met laeng iti politiko idi 1875 tapno agserbi ti terminona akas gobernador.

Idi 1876, ni Hayes ket nabutosan a kas presidente iti maysa kadagiti nakaro a kasuppiatan ken naisupapak a panagbutos ti Amerikano a pakasaritaan. Urayno isu ket naabak ti nadayeg a butos kenni Samuel J. Tilden ti Demokrata , ni Hayes ket nangabak ti kinapresidente babaen ti kabassitan a paggidiatan kalpasan ti panaggungguna kaniana ti Komision ti Kongreso ti nasuppiatan a duapulo nga elektoral a butos. Ti nagbanagan daytoy ket ti Kompromiso iti 1877 , a dagiti Demokrata ket immannurotda ti panakabutos ni Hayes ket inawatna ti panakalpas ti panagsakop ti milisia iti Abagatan.

Ni Hayes ket namatmati iti meriokratiko a gobierno, agpapada a panakatrato nga awan ti panakairebbeng ti puli, ken ti panagparang-ay babaen ti edukasion. Isu ket nagbilin kadagiti pederal a tropa ti mangpatalna ti Nalatak a Welga ti Perrokarril iti 1877 ken nagbilin kaniada nga agsanod kadagiti Akin-abagatan a kapitolio iti panakalpas ti Panagipatakder manen. Isu ket nangisayangkat ti nalanay a reporma a serbisio sibil a nangpatakder ti pundasion para kadagiti reporma ti panawen ti 1880 ken 1890. Ni Hayes ket nagtaginayon ti karina a saan nga agtaray para iti panagbutos manen. Isu ket nagretiro idiay balayna idiay Ohio ken nagbalin a nangipatakder kadagiti sosial ket edukasional a reporma.