Naipasngay ni Camus idiay Mondovi, Arhelia iti maysa a pamilia a Pranses a nagtalinaed idiay Algeria. Ni nanangna, maysa nga Espaniola . Ni tatangna, maysa a Pranses, ket natay idi 1914 , iti Umuna a Sangalubongan a Gubat a kas soldado. Dimmakkel ni Camus iti napanglaw a purok iti siudad ti Algiers sakbay a napan nagbasa idiay Unbersidad ti Algiers , a nangturposanna iti pilosopia.

Nagbalin a kameng isuna iti partido a komunista idiay Pransia idi 1934 (a ginubya ti panakabangon ti gobierno ni Francisco Franco iti Espania ) ken iti partido a komunista iti Algiers idi 1936 . Nagbalin a mannurat isuna iti maysa pagiwarnak a sosialista idiay Algiers.

Idi 1934, inkasarna ni Simone Hie, ngem apagbiit ti panagdennada ta nagsinada gapu iti pannakikamkamalala ni Simone ken iti pannakailuodna iti morpina . Idi 1940 , nagkasar manen ni Camus ket inasawana ni Francine Faure. Nangrugi nga agsurat para ti maysa a magasin idiay Paris. Bayat ti Maikadua a Sangalubongan a Gubat , immakar idiay Bordeaux ket ditoy ti nangleppasanna iti umuna nga obrana a Ti Ganggannaet ken Ti Mito ni Sisipus .

Nagayyemna ni Jean-Paul Sartre bayat ti gubat, idi nagtrabaho a mannurat ken editor iti pagiwarnak dagiti Pranses a gerilia . Kalpasan ti gubat, nagbalin a kameng ti bunggoy ni Sartre a mangipangato iti eksistensialismo a Pranses.

Idi 1949 , nagsubli ti sakitna a sarut ket impaknina ti bagina iti dua a tawen. Idi 1951 , impablaakna ti Ti Rebelde a nangiwaksi iti komunismo. Adu iti narurod itoy, agraman ni Sartre.

Ti kangrunaan a kontribusionna iti pilosopia ket ti pamanunotanna nga absurdismo .

Pimmusay ni Camus idi Enero 4 , 1960 iti pannakadesgrasiana iti kotse idiay Sens , kaduana iti gayyemna nga agiwarwarnak a ni Michel Gallimard.

• Ti Ganggannaet ( L'Etranger ) (1942)
• Ti Angol ( La Peste ) (1947)
• Ti Pannakatinnag ( La Chute ) (1956)
• Maysa a Naragsak nga Ipapatay ( La Mort heureuse ) (nasapa a version ti Ti Ganggannaet , naipablaak idi 1970 kalpasan ti pannakatayna)
• Ti Umuna a Lalaki ( Le premier homme ) (saan a nalpas, naipablaak idi 1995)

• Panagtalaw ken ti Pagarian ( L'exil et le royaume ) (1957)

• Agsumbangir ( L'envers et l'endroit ) (urnong, 1937)
• Dangadang ( Combat ) (1946)
• Ti Mito ni Sisipus ( Le Mythe de Sisyphe ) (1942)
• Ti Rebelde ( L'Homme revolte ) (1951)
• Kuadkuaderno 1935-1942 ( Carnets, mai 1935 -- fevrier 1942 ) (1962)
• Kuadkuaderno 1943-1951 (1965)
• Albert Camus, Maria Casares. Correspondance inedite (1944-1959) . Edition de Beatrice Vaillant. Avant-propos de Catherine Camus. Collection Blanche, Gallimard. Parution?: 09-11-2017.

• Caligula (impabuya 1945, insurat 1938)
• Ti Saan a Panagkinnaawatan ( Le Malentendu ) (1944)
• Ti Kasasaad ti Panaglawlaw ( L'Etat de siege ) (1948)
• Dagiti Nalintegan ( Les Justes ) (1949)

• Resistansia, Panagrebelde, ken ti Ipapatay (1961 - Napili a sarsarita)