Victor Yanukovich 2010
Victor Yanukovich
es un politico de
Ucraina
. Il esset li presidente de
Ucraina
inter
2010
e februar 2014. Il nascet li 9-im de juli 1950 in
Yenakijeve
in li ost de Ucraina quam Victor Fedorovich Yanukovich. Il esset membre del
Partise de Regiones
inter 2003 e 2010.
Il nascet quam filio del metalle-laborero e un infirmera li 9-im de juli 1950 in ost-ucrainian region
Donbass
. Su matre morit quande il esset in li eta de du annus e Victor Yanukovych habitat che su grandmatre. Pro furte e criminal assalte il esset convictet a quelc annus in li prison.
In li annu 1969 il comensat laborar in un metall-fabrica in su Yenakijeve quam gas-installator. In li annu 1980 il finit un Politecnic Institut in
Donetsk
(
Ucraina
) quam ingeniero de
explotation de mines
e
mecanica
.
Il laborat in prim quam auto-ferrero e mecanico. Plu quam 20 annus il laborat in li direction del statal industrie-interprenses
Donbastransremont
(
Донбастрансремонт
) e
Ukrvuhlepromtrans
(
Укрвуглепромтранс
) e in li Association del autmobiltrafic del
Oblast Donetsk
.
Victor Yanukovich es maritat desde li annu 1972 con Ljudmila Olexandrina e li cuple have li filios Olexandr (* 1973) e Victor (* 1981).
Victor Yanukovich parla solmen poc
ucrainian
e prefere li
russ lingue
pro que il originat ex un region del Ucraina u li lingue russ domina e anc su familie parlat solmen li russ-lingue.
- 1996 - 1997 Vice-presidente del administration del
Oblast Donetsk
- 1997 - 2002 Presidente del administration del
Oblast Donetsk
e membre del parlament del oblast.
- 2002 - 2004 Prim-ministre de
Ucraina
quam successor de
Antatolij Kinach
.
- 2004 Yanukovich esset candidate por li oficie del presidente de
Ucraina
. Oficialmen il ganiat li duesim ronde de electiones ye li 21-im novembre 2004 con 51,99 percent, ma pos mult mass-demonstrationes pro manipulationes li resultate esset anulat per li tribunale.
Yanukovich perdit li repitition del duesim ronde con 44,19 percent contra
Victor Yushtchenko
.
- 2006 - 2007 Pos li victorie de su Partise de Regiones in li electiones parlamentari in devenit denov prim-ministre de Ucraina.
- 2010 Victor Yanukovich es electet presidente de Ucraina. Il victet
Yulija Timoshenko
in li duesim ronde con 48.95 percent contra 45.47 percent. Yanukovich forlassat su
Partise de Regiones
.
- 2013 Yanukovich anullat li signatura de un association con li
Europan Union
a favore de un strett alliantie con
Russia
. In li decembre 2013 comensat mass-protestes contra Yanukovich e su politica in mult partes del land.
- 2014 Victor Yanokovich provat finir protestes contra su por-russian politica per violentie in li februar 2014. Li parlament demisset le e Yanukovich fugit a
Russia
.
Yanukovich representa li interesses del ost-ucrainian industrial elite
Yanukovich prefere bon relationes del Ucrainia con
Russia
. Il ha fat li
russ lingue
li duesim oficial lingue in li sud e li ost de Ucraina. Pro to il ha haltat li integration de Ucraina in li
Europan Union
. Il persecute su political adversarios quam
Yulija Tymoshenko
quel es in prison.
In li decembre 2013 denov mass-demonstrationes demanda li resignation de Yanukovich contra su exteriori politica.
Yanukovich usat in li februar 2014 violentie por finir li masse-demonstrationes e es responsabil por li morte de circa 100 persones.
