She greie ta lhiggey da deiney eamyn chellvane y yannoo as y gheddyn harrish kiangley radio as ad gleashaghey harrish ard lhean eh yn shooylagh ny yn gleashagh . Ta'n shooylagh abyl eh shen y yannoo trooid kiangley rish moggyl killagagh ta goll er kiarail ec obbreyder chellvane shooylagh , as eh lhiggey da'n chiangley rish y voggyl chellvane theayagh . Er y laue elley, cha nel y chellvane gyn streng goll er ymmyd agh faggys da bun-stashoon preevaadjagh.

Myrane lesh y chellvaneys, ta shooylee noa-emshyragh kiarail shirveishyn elley lheid as SMS (chaghteraghtyn teks), MMS (chaghteraghtyn jallooyn), post-L , so-roshtynys da'n eddyr-voggyl, shirveishyn chellinsh giare-orraghey ( fo-yiarg , Bluetooth ), applacaidyn dellal, gammanyn as fotografeeaght.

Hie yn chied hooylagh magh er ny haishbyney ec John F. Mitchell as Martin Cooper ass Motorola 'sy vlein 1973 as y greie oc 2.2 punt (1 kg) er trimmid. By eh yn DynaTAC 8000x , 'sy vlein 1983, y chied hooylagh va ry-gheddyn dy mennick er y vargey. 'Sy vlein 1990 cha row agh 12.4 millioon d'eeckys-olteynyn ayn, agh 'sy vlein 2011 va ny smoo na 6 billioon.