Tu Alijunaiki ( alijunaiki : la lengua de los alijuna , idioma espanol ) shiia sunuiki alijuna joolu tu antusu chejee Iberikalaje, yootunusu sulu Ameerika Latiina , Eipaainya siia Mma Mulo'usu Ameerikajatu, sutuma tu shiia piamajutka anuiki yootashanakaa so'u Mmakat sutuma tu alijuna kanuika shiia, suchikeje tu Chinaa Mantarim sukaa 420 miyonkaa, siia yootunusu sutuma waneskalia siia piatua anuiki 460 miyonkaa; sulatiruin 500 miyonkaa Chinaaka yootaka mantarim, kaajat nojoyulia ayawajunuin tu Chinaaka matijainka yoota wanneya anuiki, sutuma tu ees supula shiian tu apunuinjutka anuiki so'u Mmakat.

Tu Alijunaiki shiia piantuaka anuiki erajanakaa suchikeje tu Ingles, sukaa 20 miyon (Piama Shikii Miyon) ekirajakaa soou siia pinuinsuka (Tercera) anuiki sumaa ka'yataayakalu sulu Internetlujutu (164 Miyon, 7,8% supushuwale) siia piantua akujaa putchi so'u mmakat. Tu Alijunaiki shiia wanee anuiki sa'akaje aipiruaa sunuiki tu ONU; siia shiia sunuiki waneeiru outkjaja mmakat siia eemijaka muin (UE, UA, OEA, TLCAN, Unasur, Caricom, FIFA, COI, IAAF siia wanee)

Tu Alijunaiki muin sain tu waneeiru anuiki antusu sutuma tu anuiki Latin chaa sumaiwa so'u sikulaa II, kaa suchikejee awalakajain tu mulousuka Impeeria Romaana kaaja muin yaa tu wattaka yalejee apaasu sukuwaitpaa sunuiki shimiwa sunainje yoota sutuma tu Imperioo Romanoo, suchikejee muin akumujusu tu anuiki utuma tu kamanakaa palajana anuiki Latin, sutuma tu makaa antaa musiia tu Alijunaiki ekirajaz musiia tu wayuukaliru so'u Ameerika kaa muin shiia atuma, aapasu katchenwa so'u mmakat