Martin Luther King Junior niko norairohara tuichaveva Estados Unidos retame oneha’ava’ekue ombojoja ipireh?va ha ipiremorot?vape. Akointe inorairome oipurukuri py’aguapy reko. Henoi’akue Atlanta , Estados Unidos retame, ara 15 jasyte? ary 1929 -pe. Ituva, pa’I bautista, herava’ekue Martin Luther King ha isykatu Alberta Williams King. Hera ypykue -ituvaicha- Michael, ituva omyengoviava’ekue Martin Luther rehe ohechakuaavo Martin Lutero -pe. Ko mba’e ojehukuri ohoroguare hikuai Alemania retame ary 1934 rupi. Martin reindy hera Christine ha ityvyra katu Alfred. Martin Luther ombojoaju hekove Coretta Scott rehe, ha’ekuera omendakuri ary 1953 -pe ha oguerekokuri irundy nemonare (Yolanda, Martin, Dexter ha Bernice).

Imita guive Martin Luther King onandumakuri pe nemboyke ipireh?haguere . Orekoroguare 6 ay mokoi inangir? he’ikuri chupe ndaikatuiha onembosarai hendive ipireh?haguere. Onemoarandu’ypykuri Atlanta-pe ha 15 ary ombotyvo oikekuri Morehouse College-pe ha’eva mbo'ehaovusu mitarusu ipireh?vape g?uara, upepe ary 1948 -pe omohu’a inemoarandu Avano'okuaatype ; upegui ohasa Crozer Theological Seminary o?va Chester, Pensilvania -pe oikohaguepe chugui Tupakuaatyhara, ary 1951 -pe. Upe rire oho onemoarandu Boston Mbo’ehaovusupe oikohaguepe chugui, ary 1955 -pe, Tembikuaajara Arandupykuaatype .

Imitarusupe ha hekove pukukue javeve omotenondekuri pete? nemongu’e py’aguapy rekope ohekava’ekue tekojoja mayma ipireh?vape g?uara. Hembiapokue ojehecharamoveva apytepe, o?: mba’yruguata nemombyta Montgomery -pe, ary 1955 -pe; ha guatapuku mba’apo ha tekosasoguigua ojejapova’ekue Washington -pe, ary 1963 -pe; ohendukahaguepe ine’?syry herakuaveva “Areko pete? kerayvoty”. Heta umi imba’ejerure onehendu ha onemboajekuri “Ava rekopy leipe” ha “Jeporavoguigua leipe”. Hembiapo kane’o’?re ipireh?va rayhupape, avei ombotovere norairo ha ojepy’apyre mboriahukuerare, Martin Luther King ohupytykuri, ary 1964 -pe, Nobel Jopoi Py'aguapyguigua . Ary 1977 -pe, Tetaruvicha Jimmy Carter ome’?kuri chupe, omanorirema, Tetaruvicha Pyti’ajegua Tekosasogua; ha ary 2004-pe, oneme’?kuri chupe Estados Unidos Amandajevusu Pyti’ajegua Itajugui.

Martin Luther King niko ojejukakuri Memphis , Estados Unidos-pe, ara 4 jasyrundy ary 1968 -pe, onembosako’i jave oho hag?ua omotenonde pete? nemongu’e guasu Vietnam-me opa hag?ua norairo ha ojehechakuaa hag?ua mboriahukuera remikotev?.

*** [ jehaijey | emoambue kuatia renoiha ]

• Ohai: David Galeano Olivera