| William Shakespeare
|
|
|
Shakespeare an 1623.
|
| Informasyon personel
|
| Dat di nesans
|
batize lou 26 avril 1564 kote Stratford-upon-Avon
|
| Dat di dese
|
23 avril 1616 kote Stratford-upon-Avon
|
| Nasyonalite
|
|
| Profesyon
|
| Profesyon
|
Powet, dramatirj e
marke-palo
|
William Shakespeare
, batize lou 26 avril 1564 kote Stratford-upon-Avon e mouri lou 3 me (23 avril) 1616 annan menm vil-a, li konsidere kou roun de pli gran powet, dramatirj e
marke-palo
di lakiltir anglez-a. Li sa repite pou so metriz di form powetik ke literer, ensi ki so kapasite pou rouprezante laspe-ya di lanatir di moun-yan.
Figir eminant di lakiltir oksidantal-a, Shakespeare ka kontinwe di enfliyanse artis-ya di jodla. Li sa amorfwaze annan roun gran nonm di lanng e, soulon Endeks-a Translationum, ke roun total di 4 281 amorfwazaj, i ka vini o trwazyem ran de oto pi amorfwaze-ya apre Agatha Christie ke Jules Verne. So pyes sa regilyerman jwe toupatou annan monn-an. Shakespeare sa roun de rar dramatirj ki pratike osi byen komedi-a ki trajedi-a.
Shakespeare te ka marke trant-set ov dramatik, ant lannen-yan 1580 e 1613. Me kronoloji egzak-a di so pyes sa oko diskite. Soupannan, volim di so kreyasyon pa ka aparet kou esepsyonel an gade di kriter di lepok-a.
Nou ka mizoure enfliyans-a di Shakespeare asou kiltir anglo-saksonn-an an observan nonbrez referans-ya ki li sa fet, ki sa fika atrave de sitasyon, de tit d’ov oben inonbrab adaptasyon-yan di so ov. Angle-a sa dayo kouraman dezigne pa perifraz-a lanng-an di Shakespeare, telman sa oto marke lanng-an di so peyi an envantan di nonbre term ke espresyon. Sertenn sitasyon dayo sa pase tel ki andan langaj kouran-an.
