Char pou briga
osi aple
char di batay
,
char d'aso
(an angle : tank, an alman : Panzer, an ris : Танк, an italyen : Carro armato, e an arab : ???????) sa roun sistenm d'arm mobil konstitchwe di roun kannon ki monte asou roun veyikil otombil blende e ki pouve fika cheniye.
Tchek mwa apre koumansman-an di Pronmye Lager mondjal-a, an oktob 1914, kolonel-a Swinton (en) di British Army-a, roun taktisyen militer, gen proje-a di konsouvwe oun veyikil arme, blende e a cheni. Oun vizit o fron te an lefe konvenk li ki konbinezon di lager-a de tranche e di mitrayez te ka egzije oun tel veyikil. Sa proje ka ateri asou biro-a di Winston Churchill, alo Pronmye Lord di Amirote-a, ki ka konprann lentere-a e ka konstitchwe an fevriye 1915 oun komite pou etid-a di sa prototip-ya di ≪ lands ships ≫(literalman navir di late), Landships Committee-a. Char-a ka net ensi ate Lonn.