Sabah al-Achmed al-Djaber al-Sabah
aadlik persoan en/of hearsker
echte namme	???? ?????? ?????? ??????? ?aba? al-A?med al-?abr    al-?aba?
nasjonaliteit	Koeweitsk
bertedatum	16 juny 1929
berteplak	Koeweit-Sted ( Koeweit )
stjerdatum	29 septimber 2020
stjerplak	Rochester ( Minnesota )
dynasty	Hus fan Sabah
etnisiteit	Arabysk
reg. identiteit	Koeweitsk
emir fan Koeweit
regear	2006 ? 2020
foargonger	Saad al-Salim al-Sabah
opfolger	Nawaf al-Achmed al-Djaber    al-Sabah
premier fan Koeweit
amtsperioade	2003 ? 2006
foargonger	Saad al-Salim al-Sabah
opfolger	Nasser Mohammed al-Achmed    al-Sabah
Koeweitsk minister fan Butenlanske Saken en fise-premier fan Koeweit
amtsperioade	1963 ? 1991 1992 ? 2003
Koeweitsk pleatsferfangend minister fan Finansjes
amtsperioade	1965 ? 1967

Sjeik Sabah al-Achmed al-Djaber al-Sabah ( Arabysk : ???? ?????? ?????? ???????, sekuere transliteraasje : ?aba? al-A?med al-?abr al-?aba? ), ek bekend as Sabah IV , ( Koeweit-Sted , 16 juny 1929 ? Rochester ( Minnesota ), 29 septimber 2020 ) wie emir fan Koeweit fan 2006 oant syn ferstjerren yn 2020 . Foartiid hied er al in reputaasje festige as in betochtsum diplomaat doe't er minister fan Butenlanske Saken en letter premier fan Koeweit wie.

Libben en karriere [ bewurkje seksje | boarne bewurkje ]

Jonkheid en oplieding [ bewurkje seksje | boarne bewurkje ]

Sabah waard yn 1929 berne yn Koeweit-Sted as de fjirde soan fan sjeik Achmed al-Djaber al-Sabah en dy syn frou Munira Otman Hamad al-Ajar al-Said. Hy wie in telch ut it Hus fan Sabah fan 'e emirs fan Koeweit , in funksje dy't syn heit Achmed fan 1921 oant 1950 beklaaide. Sabah genoat syn oplieding yn Koeweit fan priveelearaars .

Politike karriere en regear [ bewurkje seksje | boarne bewurkje ]

Sabah tsjinne fan 1963 , twa jier nei't Koeweit unofhinklik wurden wie fan it Feriene Keninkryk , oant 1991 en fan 1992 oant 2003 as minister fan Butenlanske Saken fan Koeweit. Fan 1965 oant 1967 wied er ek pleatsferfangend minister fan Finansjes. Yn 'e krapoan fjirtich jier dat er minister fan Butenlanske Saken wie, boude Sabah in reputaasje op as betochtsum en kundich diplomaat . Hy bemiddele tusken Pakistan en Bangladesj , tusken Turkije en Bulgarije , tusken Palestina en Jordaanje , tusken underskate faksjes yn 'e Libaneeske Boargeroarloch , en tusken de Arabyske Golfsteaten en Iraan .

Yn augustus 1990 gied er mei de rest fan it Koeweitske regear yn ballingskip yn Saudy-Araabje doe't Koeweit beset waard troch Irak . In jongere broer fan him, sjeik Fahad al-Achmed al-Djaber al-Sabah , in ofsier by de Koeweitske kommando's , kaam by de ynvaazje om yn 'e striid tsjin 'e Irakezen yn 'e Slach om it Dasmanpaleis . Nei de befrijing fan Koeweit yn 'e Earste Golfoarloch , begjin 1991 , wie Sabah ferantwurdlik foar it weropbouwen fan 'e ynternasjonale relaasjes fan syn lan.

De emir fan Koeweit foar Sabah, Djaber al-Achmed al-Sabah , wie in healbroer fan him. Dyselde beneamde him yn july 2003 ta premier fan Koeweit. Nei it ferstjerren fan Djaber, op 15 jannewaris 2006 , waard er opfolge troch syn kroanprins , sjeik Saad al-Salim al-Sabah . De Nasjonale Assimblee ornearre lykwols dat de krebintige Saad net sun genoch wie foar de funksje fan emir. Wat him krekt mankearre is noch altyd net dudlik; yn 'e media giene geroften dat er oan 'e sykte fan Alzheimer litte of op oare wize slim yn 'e minnichte rekke wie. Men wie it der oer it algemien oer iens dat er alteast in diel fan 'e tiid net it fermogen hie om te praten . Nei in machtsstriid binnen de keninklike famylje waard Saad op 24 jannewaris , nei acht dagen oan it bewald west te hawwen, twongen ta abdikaasje . Foar him yn it plak waard op 29 jannewaris Sabah as emir ynsward.

Under syn regear loste Sabah yn maart 2008 en jitris yn 2012 in krisis tusken it regear en it parlemint op troch it parlemint te untbinen. Op it med fan 'e butenlanske polityk sette er syn belied fan bemiddeling tusken stridende partijen fuort. Sa fungearre er yn 2016 as gasthear foar de troch de Feriene Naasjes fasilitearre underhannelings tusken de foaroanlju fan 'e stridende partijen yn 'e Twadde Jemenityske Boargeroarloch .

Doe't yn juny 2017 de Katareeske Diplomatike Krisis utbriek tusken Katar oan 'e iene kant en Saudy-Araabje en syn bunsgenoaten oan 'e oare kant (om't Katar net nei it Saudyske pipen dunsje woe), stelde Koeweit him under lieding fan Sabah neutraal op. De emir besocht om 'e nocht te bemiddeljen tusken Katar oan 'e iene kant en Saudy-Araabje en de Feriene Arabyske Emiraten oan 'e oare kant. Fierders wie Sabah ek yngeand behelle yn 'e opfang fan flechtlingen yn it Midden-Easten dy't ut harren wenkriten ferdreaun wiene troch de Syryske Boargeroarloch . Under syn lieding skonk Koeweit derfoar $ 800 miljoen. Foar dy ynset waard Sabah yn novimber 2014 troch de Feriene Naasjes de Humanitere Medalje fan 'e Ynternasjonale Organisaasje foar Migraasje (IOM) takend.

Priveelibben [ bewurkje seksje | boarne bewurkje ]

Sabah wie troud mei Fatuwah bint Salman al-Sabah, dy't yn 1990 kaam te ferstjerren . Mei har hied er fjouwer bern , under wa syn soan Nasser Sabah al-Achmed al-Sabah .

Ferstjerren [ bewurkje seksje | boarne bewurkje ]

Yn syn leste jierren rekke it mei de sunens fan Sabah yn it neigean. Nei moannen yn it sikehus lein te hawwen yn 'e Amerikaanske Mayoklinyk yn Rochester , yn Minnesota , kaam er dere op 29 septimber 2020 te ferstjerren yn 'e alderdom fan 91 jier. It Koeweitske regear kundige derop fjirtich dagen fan nasjonale rou of. Sabah waard opfolge as emir troch syn jongere healbroer Nawaf al-Achmed al-Djaber al-Sabah .

Boarnen, noaten en/as referinsjes:

Foar boarnen en oare literatuer, sjoch under: References , op dizze side . Commons  Ofbylden dy't by dit underwerp hearre, binne te finen yn de kategory Sabah Al-Ahmad Al-Jaber Al-Sabah fan Wikimedia Commons .