Proaza
is in taalfoarm en
literer
sjenre
dat de gewoane
grammatikale
struktuer en de natuerlike spraakritmen tapast ynstee fan 'e keunstmjittige kandanzen der't de
poezij
gebruk fan makket. Hoewol't der oer de krekte opbou fan proaza yn wittenskiplike fermiddens noch diskusjes geande binne, hat de ienfald en unopdienens derfan makke dat it hjoed de dei brukt wurdt foar de grutte mearderheid fan sawol it minsklik spraakgebruk as de mei
lettertekens
festleine taal. Skreaune proaza omfettet sawol
fiksje
as
non-fiksje
, lykas literatuer, kranten en tydskriften,
ensyklopedyen
, wetsteksten, ensfh.
Proaza wurdt ornaris ferkeazen boppe de folle formelere dichterlike opbou fan 'e tradisjonele poezij. Gedichten omfetsje yn 'e regel in
metrum
en/of rymskema, wylst proaza bestiet ut folsleine, grammatikale sinnen, dy't mei-inoar alinea's foarmje en derby estetyske aspekten fierhinne negearje, fral as it op sprutsen taal giet. Guon proazawurken omfetsje wol spoaren fan metrum of oare dichterlikens, en besykje beide sjenres mei sin trochinoar te mjuksjen; soks stiet bekend as
proazapoezij
. Lykstrekich dermei bestiet der poezij dy't fan hast alle wenstige regels untdien is; dat wurdt
frij fers
neamd.