De
oblast Kirov
(
Russysk
: Кировская область, Kirovskaja oblast) is in bestjoerlike ienheid yn de
Russyske Federaasje
. Haadsted fan de oblast is de sted mei deselde namme:
Kirov
.
De oblast hat in goede ynfrastruktuer, it hat in lofthaven foar ynlanske flechten en it leit oan it
Transsibearyske Spoarline
.
Nei't de krite yn 1489 by it
Grutfoarstedom Moskou
foege waard wie it foar it foarstendom de springplankte nei it
Oeralgebiet
. It gebiet foarme op ferskillende tiden underdiel fan oare guverneminten, oant it yn 1796 it selsstannige guvernemint Vjatka waard. Yn de Sovjet-tiid waard it guvernemint opheft en by de kraj Nizjni Novgorod yndield.
De tsjintwurdige oblast unstie op 7 desimber 1934 troch it ferdielen fan it eardere kraj Nizjni Novgorod, dat yn 1932 omneamd wie ta kraj Gorki. De nij kraj waard ferneamd nei de fermoarde Sovjet-lieder Sergej Kirov en ek de haadsted Vjatka waard omdoopt ta Kirov. Yn desimber Kirov waard de kraj Kirov feroare yn de oblast Kirov.
Lanskip mei in koloanje
blaustirnzen
oan de wei fan Kirov nei Kotelnitsj
De bosken wurde foaral foarme troch
nuddelbeammen
. It gebiet is ryk oan turfofsettings en net-metaalhaldende mineralen lykas kalkstien, san en grint.
De oblast hat sa'n 20.000 rivieren en streamkes mei in totale lingte fan 66.650 km. It grutste diel fan de oblast wurdt troch it streamgebiet fan de
Vjatka
ynnommen, dy't utmunet yn de
Kama
yn Tatarstan. Oare grutte rivieren binne de Moloma, Pizjma, Luza, Kobra en Tsjeptsa.
It tal marren fan de oblast is likernoch 4.500. De grutste binne de Aksjuben- (85 ha), Orlofskoje- (63 ha) en Muserskoje-mar (32 ha). De djipste mar is de Lezjninskoje-mar mei in maksimale djipte fan 36,6 m. Bysunder is de Sjaitan-mar yn it Oerzjumski rajon mei syn driuwende eilannen mei beammen.
De noardlike helte fan de oblast is ryk oan
sompen
. It oerflak fan it Verchnekamski-rajon bestiet bygelyks foar 40% ut sompen.
| Jier
|
1926
|
1939
|
1959
|
1970
|
1979
|
1989
|
2002
|
2022
|
| Befolking
|
2.209.000
|
2.284.000
|
1.886.000
|
1.727.000
|
1.662.000
|
1.693.000
|
1.503.500
|
1.234.780
|
Kirov, regearingsgebou fan de oblast
De oblast Kirov is ferdield yn 39 rajons, 5 steden (Kirov (oant 1934: Vjatka), Kirovo-Tsjepetsk, Vjatskije Poljani, Slobodskoi, Kotelnitsj) en ien sletten plak (Pervomaiski).
De masjinebou, metaalferwurking en de hout- en papieryndustry leverje in wichtige bydrage oan de ekonomy fan de oblast.
| Boarnen, noaten en/as referinsjes:
|
|
Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis:
ru:Кировская область
|