De
Katedraal fan Coventry
of
Sint-Michaelkatedraal
(
Ingelsk
:
Coventry Cathedral
;
St Michael’s Cathedral
) is de biskopstsjerke fan it
Anglikaanske
bisdom Coventry yn 'e
Ingelske
sted
Coventry
.
De hjoeddeiske katedraal is de tredde katedraal fan 'e sted. De earste katedraal wie de Marijekatedraal (
St Mary’s
), in kleastertsjerke der't allinne noch resten fan bewarre bleaun binne. De twadde katedraal wie de Sint-Michaelkatedraal, dy't yn novimber 1940 by in
Dutske
loftoanfal op de sted ferneatige waard. Fan 'e twadde katedraal bleaune allinne de grutte toer en de butenmuorren stean. De tredde katedraal is de nijbou, dy't folge nei de
Twadde Wraldkriich
en fuort njonken de ruines fan de foargonger boud waard.
De
St Mary's
waard yn 1043 tagelyk mei in
benediktynsk
kleaster troch de
earl
fan
Mersia
stifte, Leofric, en syn frou Lady Godiva. Al gau dernei setten de earste ferbouwings utein. Tusken 1095 en 1102 liet biskop Robert de Limesey de biskopsit fan Lichfield nei Coventry ferhuzje. It ynearsten lytse kleaster groeide ut ta in grut kleaster mei in katedraal fan likernoch 130 meter lang. Doe't
Hindrik VIII
briek mei
Rome
om't er fan syn frou
Katarina fan Aragon
of woe en Rome dat net tastie liet er alle katolike kleasters opheffe. Sa ferlear ek de katedraal syn status as kleastertsjerke.
De St Michael’s Church waard yn 'e lette 14e en iere 15e iuw boud. It wie de grutste
parochytsjerke
fan it lan, oant de tsjerke yn 1918 mei de stifting fan it bisdom Coventry de status fan katedraal krige.
Op 14 novimber 1940 waard de katedraal troch in bombardemint fan de Dutske Luftwaffe hast folslein ferneatige. Allinne de tsjerketoer en de butenmuorren bleaune stean. Ek hjoeddedei hawwe de ruines noch in funksje foar de earetsjinst.
De nije katedraal waard njonken de resten fan 'e alde katedraal neffens in untwerp fan Basil Spence boud. Spence trune der op oan om de resten fan de alde katedraal as betinkingstun yntakt te litten en de nije katedraal sa oan te bouwen, dat de twa gebouwen tegearre in tsjerke foarmje. By it sykjen nei in goed unwerp waard sines ut mear as 100 untwerpen keazen.
Op 23 maart 1956 waard de earste stien fan 'e nijbou troch keninginne
Elizabeth
lein. Basil Spence waard troch de keninginne yn 1960 as wurdearring foar syn prestaasjes yn Coventry as
Knight Bachelor
ta ridder slein. De ynwijing fan 'e nije katedraal folge op 25 maaie 1962.
It moderne untwerp soarge lykwols foar in soad strideraasje. De ungewoane spits waard mei in helikopter op it flakke dak fan 'e katedraal set. It ynterieur is bekend fanwegen in grut gobelin mei in ofbyld fan Kristus fan Graham Sutherland en in troch John Piper untwurpen finster yn 'e doopkapel.
By it opromjen fan it pun liet Richard Howard, de doedestiidske proast fan Coventry, ut twa ferbaarnde dakbalken in ienfaldich houten krus meitsje. Dat krus, it "Ferskroeide Krus" (
Charred Cross
), is hjoeddedei yn 'e nije katedraal te sjen. In kopy derfan is yn de alterromte fan de ruine fan 'e alde katedraal oanbrocht.
Fan trije spikers fan 'e alde katedraal waard noch in krus makke, mar dan lytser, dat tsjintwurdich yn 'e nijbou hinget. Dat saneamde Spikerkrus fan Coventry (
Cross of Nails
) waard it symboal fan de oekumenyske Spikerkrusbeweging (
The Community of the Cross of Nails
), dy't fanut Coventry oant mear as 200 plakken oer de hiele wrald utgroeide. As teken fan ferbunens kriget elts plak dat by de beweging heart in spikerkrus, dat lykas it orizjineel ut trije spikers bestiet. Yn Fryslan binne gjin plakken of tsjerken oansletten by dy beweging.
Yn in kapel fan 'e katedraal hinget in kopy fan de saneamde Stalingradmadonna, in tekening dy't de Dutske lazaretarts
Kurt Reuber
yn 'e Kryst fan 1942 by de
Slach om Stalingrad
makke. It orizjineel fan de Stalingradmadonna hinget yn 'e Kaiser-Wilhelm-Gedachtniskirche fan
Berlyn
.
It oargel waard yn 1962 troch de oargelboufirma Harrison & Harrison boud. It ynstrumint stiet op twa ferskillende plakken noardlik en sudlik fan it koer mei de kant fan it front nei it skip ta. Op 'e noardlike kant steane it
Swell-
en
Solo-Organ
opsteld, wylst op 'e sudlike kant it
Great Organ
stiet. It oargel hat meiinoar 72 registers op fjouwer manualen en pedaal. De traktueren binne elektropneumatysk.
Boarnen, noaten en/as referinsjes:
|
Dizze side is alhiel of foar in part in oersetting fan de Ingelsktalige Wikipedyside; sjoch foar de bewurkingsskiednis:
en:Coventry Cathedral
|