Australaazje
is in regio yn it
wralddiel
Oseaanje
, dy't yn elts gefal
Austraalje
en
Nij-Seelan
omfiemet, al wurdt Nij-Seelan ek ta de regio
Polyneezje
rekkene. Histoarysk waarden ek it eilan
Nij-Guinea
en oare nei-oan leine eilannen, lykas
Nij-Kaledoanje
, de
Nije Hebriden
en de
Salomonseilannen
, ta Australaazje rekkene, mar as men de term tsjintwurdich brukt, wurde meastal allinnich Austraalje en Nij-Seelan bedoeld.
De namme "Australaazje" waard betocht troch de
Franske
skriuwer
Charles de Brosses
, dy't him foar it earst brukte yn syn
Histoire des navigations aux terres australes
, ut
1756
. It is in gearstalling fan
austral
(
Latyn
foar "sud") en "Aazje", en betsjut dus eins "Besuden Aazje".
Der binne yn Austraalje en Nij-Seelan ek tsjintwurdich noch tal fan organisaasjes werfan't de namme begjint mei
Australasian Society of
("Australazysk Genoatskip fan") of
Royal Australasian Society of
("Keninklik Australazysk Genoatskip fan"). Hoewol't Australaazje eins in grutter gebiet beslacht, wurdt it yn sokke gefallen inkeld foar Austraalje en Nij-Seelan brukt, by brekme oan in better wurd foar dy
geografyske
subdifyzje. Yn it ferline hawwe Austraalje en Nij-Seelan ek ferskate kearen mei in mienskiplik tiim under de namme Australaazje meidien oan grutte ynternasjonale
sporteveneminten
, lykas it
Davis Cup
-
tennistoernoai
yn
1905
en
1915
, en de
Olympyske Spullen
fan
1908
en
1912
.