In omke mei syn
omkesizzers
by it
swimbad
.
In
omke
is
man
waans
broer
of
suster
ien of mear
bern
hat. Sokke bern wurde
omkesizzers
neamd. Fanut it eachpunt fan 'e omkesizzer is in omke de
broer
fan jins
heit
of
mem
. Dit is in foarm fan
twaddegraads besibskip
. In omke dielt 25% fan syn
genetyske opmaak
mei syn omkesizzer(s). It
eigenskipswurd
dat by 'omke' heart, is
omkich
,
omke-eftich
of
avunkuler
, fan it
Latynske
avunculus
("omke", letterlik: "lytse pake", fan
avus
, "pake"). De
froulike
wjergader fan in omke is in
muoike
.
Hoewol't men tsjintwurdich yn 'e regel sprekt fan "omke Jan" of "omke Pyt", foege men foarhinne yn it
Frysk
wol it
efterheaksel
"-om" oan 'e
foarnamme
fan in omke ta: "Jan-om" of "Pyt-om". Soks komt men bygelyks noch tsjin yn
Rimen en Teltsjes
fan 'e
Bruorren Halbertsma
, en ek yn guon
siswizen
: "As Marten-om foar 't ljocht komt, dan kin Willem-om him wol opbergje" (in
wurdspiling
op "moatte" en "wille": 'as it moat, dan is it dien mei de wille').
Der binne ferskate soarten omkes. In
biologyske
omke is de
broer
of
healbroer
fan ien fan jins
alden
. As it om in healbroer fan ien fan jins alden giet, soe men, as it derop oankomt, sprekke kinne fan in
healomke
. In
oantroude omke
is de
sweager
fan ien fan jins
alden
, en in
styfomke
is de
styfbroer
fan ien fan jins alden. Yn alle neamde gefallen wurdt yn 'e regel gewoan fan 'omke' sprutsen. Dat is net (altyd) it gefal mei in
aldomke
, dat in broer fan jins
pake
of
beppe
is. In
oeraldomke
is de broer fan jins
oerpake
of
oerbeppe
, in
oeroeraldomke
is de broer fan jins
betoerpake
of
betoerbeppe
, en sa fierder.