La Iliade e je - insiemi cu la Odissee - un poeme epic assegnat a Omer . Si compon di vincjecuatri libris o cjants. In total a son 15.693 esametris. Opare ciclopiche e complesse, al e une des fondis de leterature greghe e in gjeneral de leterature ocidental e mondial. E conte lis vicendis di un curt episodi de storie de vuere di Troie, chel de ire dal eroi Achil , intal ultin dai dis agns di vuere. Dopo nuf agns di assedi Agamenon , gjeneral de armade achee e fradi di Menelau , si refude di torna a Crise , sacerdot di Apol, so fie Criseide , che lui al a otignut come prede di vuere. Il Diu al punis cuntune pestilence il cjamp dai Grecs e Agamenon, frontat cun viamence di Achil inte assemblee dai vuerirs, al e costret a torna Criseide. Par compensasi di cheste pierdite al gjave a Achil la so sclave Briseide . Achil disdegnat, calcolant di ve vut une ofese imperdonabile, al decit di no combati plui de bande dai Grecs, che cussi a vegnin batuts cun durece dai Troians. Patrocli alore al decit di la in cjamp cu lis tu armis di Achil, par fa crodi che chel al sedi tornat a lota, ma al ven copat di Aitor, che i gjave lis armis divinis. Achil, dopo di ve vut armis gnovis di Efest , al torne a combati par svindica la muart dal so ami; infin al e il duel cun Aitor che al reste copat e Achil. Priam , re dai Troians e pari di Etor, al rive intal cjamp dai Grecs a domanda la restituzion dal cuarp, e infin al rive a comovi Achil. Il poeme si siere cui funerai di Patrocli e di Aitor. Pai siei tignuts vuerirs la Iliade e je calcolade plui arcaiche de Odissee, e je il poeme dal eroi che combatint e murint in bataie al concuiste la imortalitat de glorie, biel che inte Odissee cheste glorie e je concuistade dal om in graciis de so inteligjence, de so pazience e de so brame di cognossince.

Viot ancje [ cambie | modifiche il codic ]

• Vuere di Troie