Josef Verdi , par talian Giuseppe Verdi ( Roncole di Busset , 10 di Otubar 1813 - Milan , 27 di Zenar 1901 ), al fo un compositor talian , un dai plui impuartants di ducj tal camp de opare liriche .

Biografie [ cambie | modifiche il codic ]

I prins agns [ cambie | modifiche il codic ]

Nassut tal pais di Roncole , in Emilie , tal 1813 intune famee de int basse, al scomenca a scrivi musiche za di fantat: tal 1828 e fo sunade tal teatri di Busset une so sinfonie , doprade come piec inizial pal Barbir di Sivilie al puest di che original di Rossini . Intant al scomenca a studia cul mestri Vincenc Lavigna a Milan , dopo jessi stat scartat dal conservatori , e tal 1836 al marida Margarite Barezzi, che e muri tal 1840 , in timp par daj doi fis , ducj muarts di fruts .

Il periodi dal fervor operistic [ cambie | modifiche il codic ]

Tal 1839 e le in scene ae Scjale di Milan la prime opare di Verdi, l' Obert, cont di San Bonifacio : par vie dal suces discret, l' impresari dal teatri j de di scrivi gnovis oparis . Chel al scomenca cun Un di di regn , une comedie che e fase scufe, e, tal 1842 , cul Nabucco , un suces clamoros: ucat dal triomf, al le indenant fin al 1862 a componi un bon numar di melodrams , cun framiec cualchidun dai plui innomenats, come il Rigolet , Il trobador e La straviade , e vignint a jessi tra i compositors plui impuartants dal so timp. Tal 1861 al fo ancje elet ae camare dai deputats , di moderat liberal che al jere (al veve simpri sapuartat la unitat de Italie ). ^[1] .

I ultins agns [ cambie | modifiche il codic ]

Dopo La fuarce dal destin ( 1862 ), fin al 1871 al compone dome il Don Carli (1867), ma intant al modifica doi oparis che al veve za scrit; intant, in chel slambri dal Votcent a rivavin un grum di novitats dal teatri musical frances e todesc : Verdi e supave chestis gambiaments dal lengac musical e al francjave lis tecnichis di composizion. Al torna a meti in sene oparis gnovis tal 1871 , cuant che il chedive d' Egjit j 'nd' comissiona une par screa il canal di Suez , che al veve fat sgjava juste in chel an: Verdi al scrive l' Aide , che e fo un grant suces. Al le inant a modifica oparis che al veve scrit cuant che al jere plui zovin e a componi sunadis , come il Requiem pe muart di Manzoni ( 1874 ). Tal istes an al fo nominat senador ^[2] , mantignint la cjarghe fintremai so passade . I ultims melodrams a forin l' Otel ( 1887 ) e il Falstaff ( 1893 ), altris doi grancj suces. Al muri a Milan tal 1901 .

Il stil [ cambie | modifiche il codic ]

Verdi al e simpri stat preseat dal public plui che dai critics . La so musiche e je influencade soredut dai composidors de tradizion vocal taliane (vadi Rossini , Bellini e Donizetti ) e ancje di chei barocs ( Benedet Marcello e Jacum Carissimi ) e di Zuan di Palestrine ; l'ispirazion e je romantiche , supant influencis sedi dai autors talians , come Manzoni , sedi di chei forescj, come Schiller e Byron . Al veve ancje un leam fuart cun Shakespeare . Dal forest al cjapa lis gnovis ideis di Wagner come ocasion di fa rifles su la so musiche e di introdusi novitats, ma cence simiotalu: lu si viot tes ultimis tre oparis (l' Aide e, soredut, l' Otel e il Falstaff ). Verdi al meteve dut al servizi dal bon funzionament de dramaturgie , cirint di crea un leam stret tra lis peraulis dal libret e la musiche e di matigni la unitat dramatiche , atent plui a la unitat di azion che a ches di timp e a di luc ; al parave dentri ancje soluzions facilis, come ritmis populars e cors cun dome une vos, benintindut che a contribuissino a la situazion dramatiche.

Al mantignive un control stret su la regie e su la composizion dai librets .

Oparis [ cambie | modifiche il codic ]

Di dutis lis sos oparis , dome doi a son comediis , vadi Un di di regn e il Falstaff .

Achi une liste complete:

• Obert, cont di San Bonifacio ( 1839 , par talian Oberto, conte di San Bonifacio )
• Un di di regn ( 1840 , par talian Un giorno di regno ; e je cognossude ancje come Il fint Stanislau , Il finto Stanislao ). E fase scufe.
• Nabucodonosor ( 1842 , par solit clamat Nabucco ). Al fo il prim grant suces di Verdi
• I Lombarts ae prime crosade ( 1843 , par talian I Lombardi alla prima crociata ).
• Ernani ( 1844 )
• I doi Foscari ( 1844 , par talian I due Foscari )
• Zuane d'Arc ( 1845 , par talian Giovanna d'Arco )
• Alzire ( 1845 , par talian Alzira ). Un insuces; Verdi al dise che e je ≪dute brute≫.
• Itile ( 1846 , par talian Attila )
• Macbeth ( 1847 )
• I ladrons ( 1847 , par talian I masnadieri )
• Jerusalem ( 1847 ). L'original al e in frances
• Il corsar ( 1848 , par talian Il corsaro )
• La batae di Legnan ( 1849 , par talian La battaglia di Legnano )
• Luise Miller ( 1849 , par talian Luisa Miller )
• Stifeli ( 1850 , par talian Stiffelio ). E je une seconde version che si clame Arolt ( Aroldo )
• Rigolet ( 1851 , par talian Rigoletto )
• Il trobador ( 1853 , par talian Il trovatore )
• La straviade ( 1838 , par talian La traviata )
• I gjespui sicilians ( 1855 , par frances Les vepres siciliennes ). L'original al e in frances .
• Simon Boccanegra ( 1857 )
• Un bal in mascare ( 1859 , par talian Un ballo in maschera )
• La fuarce dal destin ( 1862 , par talian La forza del destino )
• Don Carli ( 1867 , par frances Don Carlos ). La version original al e in frances .
• Aide ( 1871 , par talian Aida )
• Otel ( 1887 , par talian Otello )
• Falstaff ( 1893 ).

Notis [ cambie | modifiche il codic ]

1. ↑ Giuseppe Verdi , storia.camera.it
2. ↑ Verdi Giuseppe , notes9.senato.it

Bibliografie [ cambie | modifiche il codic ]

• Dizionario dell'opera lirica , Firenze, Vallecchi, 1974

Leams esternis [ cambie | modifiche il codic ]

• Verdi, Giuseppe , treccani.it