Giuseppe Garibaldi ( Nize , ai 4 di Lui dal 1807 ? Caprere , ai 2 di Jugn dal 1882 )

Garibaldi: la so barbe, il so poncho, la barete rosse e il baston a son tal cjaf di ducj no. Al stes timp, lis sos impresis di comandant brauros e “eroi dai doi monts”, i soi tirs tant che om di vuere e di mar a son cognossuts a ducj. Cence cjala a cui che i vul ben e a cui che a ‘ndi cjacare nome mal, e cence cjala a dut il Risuriment , e ai oms che a ‘ndi son stats protagoniscj daur a dutis lis datis come che si fas tai libris di test.

Ducj a an bielza studiat la storie di Italie e chest periodi in particolar: cualchidun al po svantasi di ve un dret rivuart par velu scoltat de bocje dai vons.

I soi ultins agns a Caprere [ cambie | modifiche il codic ]

Garibaldi al a cjolte la isule di Caprere tal 1855 . Al si jere cjapat di je tal 1849 , cuant che al jere stat obleat a stai dal guvier sardegnul e al veve decidut di muda la isule inte so cjase pal avigni fin a vole muri in chel puest. Inte so isule Garibaldi al a vivut te semplicitat de vite contadine dongje al sens dal sacri dai antics cuntune visual de nature religjose e al stes timp laiche che cumo nus samee fa cuintri cu la piture di lui che o cognossin tant che om di vuere, rut e sclet, plen di ideai e nemi dal sflandor.

A Caprere al a vivut e lavorat Garibaldi, il pari e l’om, il malat: studios di agronomie, passionat di musiche e cjant, costrutor e contadin. Garibaldi al a cjatat in chest ritir e in chestis ativitats la medisine par cuieta il marum de so anime, fruiade dal sburt pes ideis su la dignitat dal om e la salvazion dai popui. In un stret rapuart cu la nature e lis sos lecs, Garibaldi al a viodut di persone dal ort e dal zardin metint in vore gnovis plantutis forestis dongje di ches dal puest, plantant lens grancj, fasint su la so cjase, la stale, il mulin e il for a lens, la lobie pes barcjis e proviodint il puestut pal picul cimitieri.

“Ogni di, cuviert il cjaf cuntun cjapiel a largje ale, vistut in cjamese rosse, doprant curtis e fuarpis di cuinca, picjats te cinturie, al passave lungjis oris a dispeda, cemi, inseda e colta ducj i pletuts di tiere tra scois e crusts. La so tignince tal timp e il gust par chest so lavor a an sburtat a vigni a ogni sorte di pomar e di rosis. Dut cas al jere content di sta daur a lis sos plantis e al mudave di spirt nome se cualchidun che nol spietave o un telegram a rivavin a crevai il plase di chel so preseat lavor”.

A Caprere Garibaldi al viodeve de stale, des bestiis, dal zardin, al faseve vueli e mil, al faseve cjandelis… tai moments di polse no mancjave la musiche: a Garibaldi, cuntune biele vos “dolce, melodiose e fascinant” (come che si visave so fie Clelie), i plaseve cjanta: Verdi , Donizetti , Bellini e Rossini . Amant grevi e di gran passion, svoletos e di bocje buine, svelt e stufadic, Garibaldi al a vut te so vite ce tantis feminis, sedi sioris e nassudis in buinis fameis, sedi zovinutis, massariis cence sapience ni gracie.

I soi afiets [ cambie | modifiche il codic ]

Si e maridat par ben tre viacs e al a vut vot fis. Dal prin nuvical, cun Anita, muarte tal 1849 dongje Ravene , al a vut cuatri fis: Menotti Garibaldi, Ricciotti Garibaldi, Rosa Garibaldi, clamade ancje Rosita, muarte par varvuele a nome doi agns a Montevideo e Teresa Garibaldi ( 1845 - 1903 ), clamade Teresita, femine dal Gjieneral garibaldin Stefano Canzio (cun lui e a vut 16 fis). Nol a vuts fruts cun Giuseppina Raimondi, maridade a Fino Mornasco ai 16 di Zenar dal 1860 (11 agns dopo la muart de prime femine Anita), e che al a lassat subite daspo de cerimonie. De massarie Battistina Ravello, inpen, Garibaldi al a vude Anita che je muarte a 16 agns di meningite.

Al a vut tre fruts de tierce femine Francesca Armosino, una fantate za mari, che i veve cirut un om cence cjatalu, par maridale al fin propite lui. Clelia Garibaldi, Rosita, muarte picule, e Manlio Garibaldi: Clelia e Manlioa son stats i unics fruts a vivi cun lui te isule. Cul pari a an vut un tenar rapuart ma severi: pardabon convincut dal valor de aghe frede, Garibaldi al a obleat ancje i fruts a lavasi cu la aghe glacade! (leturis da “Garibaldi nella quotidianita di Caprera” pp.22-23 e 83-85)

Par dute la vite Garibaldi al a mantignut un vivaros scambi di letaris cun Speranza von Schwartz, cun Mazzini e cun tancj altris protagoniscj de so ete: ancje daspo che la artrite i a deformat lis mans, al a detat ancjemo letaris e memoriis. Bessol te so isule di Caprere si e simpri sbrocat scrivint, fat testemoneat tai soi scrits cun penzis espressions che pandevin di cemut, ferit tal font de so anime, visantsi di ce tant che al veve fat, deludut de umiliazion di viodi la so Italie cussi ben difarente di che che al si veve insumiat.

Garibaldi scritor [ cambie | modifiche il codic ]

Dal dut insoferent dai messedots de politiche, ingomeat de coruzion dal mont ator dal parlament, deludut dai cavilaments e de debolece dai guviers de campe, cuant che al a dadis lis dimissioni di deputat al a vut scrit a la redazion dal gjornal roman "La Capitale" di no vole "jessi tra i legislators di un pais dula che la libertat e je tabaiade, e la lec no covente te so aplicazion che nome a garanti il bon sta dai gjesuits e dai nemis de Unitat de Italie". Dute altre Italie o mi insumiavi te me vite, no cheste, plene di miserie tal di dentri e umiliade tal forest".

Autor dal romanc storic politic “Clelia ovvero il governo dei preti” e de racuelte di “Lettere a Speranza von Schwartz”, Garibaldi si e dediat a la opare "I MILLE". Tacade a scrivi dis dodis agns dopo la so famose imprese, come si po cjapa fur da une letare che Garibaldi al a mandat a Riboli ai 20 di Fevrar dal 1872 , dula che i da notizie che il so manoscrit al e pront par la in stampe.

Di Caprere, Garibaldi al a zontat ai 21 di Zenar dal 1873 la prefazion "Alla Gioventu italiana". Rifudat da plusors editors pal contignut spicot, la opare e pode jessi buride fur nome a une sufierte colete (cun so grande delusion) nome l'an dopo, tal 1874 in un numar picul di copiis (4322), pai tipis di Camilla e Bertolero di Torin . I volums a an tal ultim in ordin dal alfabet ducj i nons dai sotscritors, lis copiis cjoltis e il resocont de operazion. Dut cas ancje se e jere une operazion privade e a fat il so scjas e grande polemiche. A son pagjinis politichis cuntune vene di ribelion e cu la fuarce natural che e sburte fuart cence remission: un Garibaldi cul anim deludut, sferzant, spes cence rivuarts, che al salte su cuintri predis, conservadors, cuintri la monarchie, Mazzini, cuintri ducj e dut, infin cuintri l'ordinament social, che lui al pensave tignut su une fonde di inicuitat e violence. Intal 1933, il manoscrit origjinal al fo regalat da Clelie Garibaldi all'Archivi del Museu dal Risuriment.

Ai nons dai Mil, vignuts fur su la Gazzetta Ufficiale dai 12 di Novembar dal 1878 , Garibaldi al a volut zonta notis de biografie: tra chescj i nons di tre sandanieles: Perselli Emilio, dorator cul grat di tenent, Antonimi Marco, sergent, e Bertossi Giovanni Battista. I tre si cjatavin spes al “cafe Garibaldi” trezut di Urbano Bortoluzzi, un patriote che al veve combatut a Vignesie tal 1848 e tal ’49: di mistir al faseve il bandar e i plaseve cjanta, ancje lui, come Garibaldi, lis ariis i Vredi dal Rigolet, dal Trovatore o de Norme. Tal 1864, cuant che a forin i mots furlans cun a cjaf Antonio Andreuzzi, si e metut masse in mostre par ve fat lis gavetis di bande ai insorts, ma al riva a fale francje cuant che al fo percuisit de polizai austriache, che al riva a imbroia (leturis de “Memorie alla carta” pp. 74-75 e 105-106)

I mots furlans [ cambie | modifiche il codic ]

I mots furlans, platats di grant part dai libris di storie, vignirin presentats pe prime volte a Garibaldi de bande di Mazzini in une letare dai 7 di Marc dal 1861 : al voleve riva a taca la insurezion taliane fasintle impia par in prin tal Venit , tal Trentin e tal Friul , zonis ancjemo sot de Austrie , insiemit cun ches de Ongjarie , te aree slave e in Grecie cuintri i imperis dominants: chel asburgjic e chel otoman . Garibaldi vares scugnut ve un e part impuartante e cjapa su di se il comant des operazions militars te nestre zone furlane. Ai 14 di Marc dal 1863 al ven mandat a Vilegnove di Sant Denel , par ordin di Mazzini e Garibaldi, il dispatriat Cesare Pogni par cjata il miedi Antonio Andreuzzi . Il Pogni al veve la incjarie di ilustra il program di azion di Mazzini par fai inmanea in Friul un comitat dal Partit d'Azion.