La anatomie (dal grec ανατομ?, anatome = "dissezion"; format di αν?, ana = "traviers", e τ?μνω, temno = "taia") e je la sience che e studie la forme e la struture dai organisims. E fas part ad in plen de biologjie .

La "division taiant" al e un dai miecs di studi di cheste sience, che in maniere plui juste e podares jessi clamade "morfologjie".

La anatomie e ven ripartide in anatomie animal ( zootomie ) e vegjetal ( fitotomie ).

Il studi des relazions tra creaturis diviersis o orghins di creaturis diviersis e ven dite anatomie comparade; cuant che e je limitade a une sole specie animal, e ven dite anatomie special. Prime rapresentante de anatomie special e je la anatomie umane; cheste e pues jessi calcolade di diviers ponts di viste. Dal pont di viste medic e je la cognossince de forme, posizion, misure e interrelazion des variis parts dal cuarp uman in salut, e a chest studi a vegnin dats i tiermins anatomie umane descritive o topografiche.

Par une cognossince curade di ducj i detais anatomics a coventin agns di osservazion e e je possedude dome di pocs. Il cuarp uman al e cussi comples, che dome un numar ristret di anatomiscj umans al parone ducj i siei detais: tancj si specializin dome su cualchi part, tant che il cerviel , lis vissaris, e v.i., contentantsi di une buine cognossince gjeneral dal rest dal cuarp. La anatomie topografiche e a di jessi imparade di ogni aspirant anatomist midiant la ripetude dissezion e ispezion dai cadavars. L'us de autopsie e de vivisezion pal studi de anatomie, al a dat origjin al tiermin furlan "tumie", o sedi cruzi, torment.

Dal pont di viste morfologjic, la anatomie umane e je un studi sientific che al a tant che ogjet la scuvierte des causis che a an puartat ae struture di cumo de creature umane, e i covente la cognossince di altris siencis: la istologjie , la citologjie e la fisiologjie .

La anatomie patologjiche e je il studi dai orghins malats. Intant che lis variis dissiplinis de anatomie normal, che si aplichin a varis fins a an une denominazion particolar tant che anatomie mediche, chirurgjiche, gjinecologjiche, artistiche e superficial; la comparazion anatomiche des diferentis etniis e fas part de sience de antropologjie fisiche o de anatomie antropologjiche.