Teatri furlan

Il teatri in lenghe furlane al nas avonde tart rispiet aes altris formis artistichis de marilenghe . Dut cas di lunc dal XX secul al si svilupe simpri di plui e al di di vue o vin ancje des compagniis profesionistichis.

Storie [ cambie | modifiche il codic ]

Il ritart de nassite dal teatri furlan [ cambie | modifiche il codic ]

Lis primis oparis che a podaressin ve une rapresentazion teatral a son dal '600 di Ermes di Coloret , si trate di cualchi dialic tant che Contrast fra Carneval e Cresime , Di une chitine cul confessor e Pascute e Macor . Chestis oparis a restarin dome scritis. Par viodi un teatri par furlan si a di spieta il XIX secul . Lis resons par cui in Friul nol e nassut prime un teatri par furlan a son diviersis e leadis a motifs storics e politics. La sotanance sot Vignesie a fase in mut che il furlan al vignedi poc doprat dai sorestants. A Udin la prime sale par oparis teatrals a fo screade nome intal 1601 ma, fur che par cualchi spetacul par Talian o par Venit a vignive doprade sore dut par bai e musiche .

Intal jenfri che in tantis zonis de Europe , partint de Italie , si difont la Commedia dell'Arte , il Friul , sotan e emargjinat, al viot nome i spetacui di cualchi companie venite. No nassin cussi ni mistirants ni autors locai che sedin bogns, magari ancje par talian o par venit, di rapresenta la vite dal timp.

La nassite de comedie furlane [ cambie | modifiche il codic ]

Bisugnara spieta il 1800 e la dominazion austriache par viodi la nassite de comedie in marilenghe. La prime opare dute par furlan e je di Pieri Corut che intal 1847 al scrif Il trovatore Antonio Tamburo . E je une comedie cun tocs musicai, dute par furlan che e vierc la strade a dute une schirie di autors. Pacifico Valussi , Francesco Leitenburg , Giuseppe Edoardo Lazzerini , Francesco Nascimbeni e Caterina Percoto . Lis storiis a son di solit legris, di ambient contadin e cun finalitat moralistichis. Cul gnuf secul a scomencin a nassi diviersis companiis teatrals diletantistichis, spes intes parochiis. La filologjiche , nassude tal 1919 , e comence a fa dai concors teatrai. I autors de prime part dal secul a son Bruno Pellarini , Giuseppe Marinoni , Ercole Carletti , Arturo Feruglio , Maria Gioitti del Monaco , Anna Fabris , Costantino Smaniotto , Lea D'Orlandi , Pietro Someda de Marco . Lis oparis a continuin, come storiis e ambientazion, intal gust dal '800. In chest mut a plasin une vore a la int ma a restin lontanis dai trois plui modernis che al sta cjapant il teatri european dal timp.

Il secont dopovuere [ cambie | modifiche il codic ]

Ancje se a si continue a la daur de tradizion za intai prins agns dal dopovuere si scomencin a viodi i segnai di une schirie di autors plui modernis. Se Guido Michelutti al e plui tradizional lis oparis di Renato Appi , Alviero Negro e Lelo Cjanton a rivin a tocja tematichis mancul sieradis.

I Turcs tal Friul [ cambie | modifiche il codic ]

Intal 1976 a ven publicade I Turcs tal Friul , opare zovanil di Pasolini , scrite intal 1944 . Chest al e considerat il test plui alt scrit in marilenghe, i soi moments lirics che a ricuardin la tragjedie greche, a mostrin la bravure che Pasolini al mostrara intai agns seguitifs. Se di une bande l'opare e reste isolade dal rest de scriture dai tescj furlans la rapresentazion che al fasara il regjist Elio De Capitani intai agns 90 al tira su une gnove gjenerazion di teatrants e di spetators furlans.

La fin dal XX secul [ cambie | modifiche il codic ]

Sul fini dal secul si viot une incressite dal teatri furlan cuntun grant numar di compagniis teatrals gnovis. Dal 1987 l' associazion teatral furlane a inmanee un concors leterali bienal che al devente un stimul par autors come Gianni Gregoricchio , Giovanni Morsan , Alberto Luchini , Roberto Ongaro , Luciano Rocco , Paolo Sartori , Carlo Tolazzi , don Pietro Biasatti . Il gnuf mileni si vierc cuntune opare une vore significative su la vite des feminis in Friul al inizi dal '900; Bigatis di Elio Bartolini e Paolo Patui . In chest periodi a son ancje dute une schirie di traduzions dai grancj autors mondiai tant che Goldoni , Pirandello , Moliere , Cechov e v.i. Cui agns '80 a nassin ancje lis primis companiis teatrals profesionistichis come il Teatro Incerto ( Claudio Moretti , Fabiano Fantini , Elvio Scruzzi ). Tal 1988 e nas la Civica accademia d'arte drammatica Nico Pepe , dai soi cors a vegnin fur i ators de Academia de Gli Sventati .

Bibliografie [ cambie | modifiche il codic ]

Il teatro in lingua friulana , di Luca Zoratti in Friulano Lingua viva , Udin 2006
Appunti per la storia del teatro friulano , Someda de Marco in Sot la Nape , 1 (1963)
Il teatro in prosa , Nico Pepe in Enciclopedia tematica del Friuli Venezia Giulia

La lenghe furlane ( marilenghe )