La patrie dal Friul al e un gjornal che atualmentri al ven fur une volte al mes e che al e dut par furlan .

Storie [ cambie | modifiche il codic ]

Il prin numar al ven fur ai 24 di Fevrar dal 1946 , al presit di 10 francs, cul titul di “Patrie dal Friul”, sfuei setemanal indipendent; il logo al presente une acuile patriarcal cun la scrite “di bessoi”. Lis pagjinis a son cuatri, e la redazion e jere a Udin , in borc di Prampar; la responsabilitat di diretor e je dal avocat Vitorio Gasparet , e la stampe e je prime fate di A. Pelegrin, di Udin , po di Manuzio, simpri udines. Dai 15 di Mai 1948 al Setembar 1953 il gjornal al e direzut di Lelo Cjanton (Aurelio Cantoni), e la scjadence di publicazion e je cuindisinal. Di chel moment lu cjape su Marie Del Fabro , femine di Felix Marchi , fondador dal sfuei; in chest periodi il gjornal al ven fur mensilmentri, ma cence tante regolaritat, pes difficoltats a cjata articui e abonaments. Tal 1976 il Moviment Friul, traviers la persone dal so segretari politic Marco De Agostini, al pense di recupera Patrie dal Friul, restade libare, par sei scjadude, come che al risulte al Tribulal di Udin. De Agostini al regjistre la testade al nr. 384 dal regjistri dal Tribunal cu la date dai 13 di Dicembar 1976, socie di riferiment la Clape Cultural Furlane Hermes di Colored (che e davuelc iniziativis culturals par cont dal MF), rapresentant legal e diretor responsabil Marco De Agostini. Al informe intant Felix Marchi de iniziative, che al reste une vore content e al scrif a De Agostini une letare di aprovazion e di ringraciament. Il prin numar de Anade XXII de Ete Gnove al jes tal Zenar 1977. A colaborin te redazion plui di lor, in primis pre Antoni Beline e altri predis dal grup di Glesie Furlane. Par vie des grandis spesis sostignudis pe jessude di 20.000 copiis dal sfuei in ocasion de Fieste de Nazion Furlane dai 3 di Avril 1977, ideade e organizade dal Moviment Friul, e dal fat che al e mancjat il contribut di sogjets che si son ritirats dal impegn organizatif dopo di velu imprometut, Patrie dal Friul e jentre in dificoltat, e tal 1978 e cesse di sei publicade. Dome une jessude isolade tal 1979 e po dal 1983-84 jessudis mensils o bimestrals fint al 1988. Il grup di predis di Glesie Furlane vuidat di pre Antoni Beline, che al vul percori une politiche cultural furlaniste autonome rispiet al Moviment Friul e ancje in competizion, dopo di ve domandat al segretari politic dal MF la cession de proprietat di Patrie dal Friul, par no assumisi ancje la cjame dai debits de testade, al opzione di regjistra une testade diferente cu la zonte di un articul denant, La Patrie dal Friul, e di taca a publicale. E je la fin dal 1979. Pre Antoni Beline al domande a Marchi la cession de testade tal 1977 e, cundut che la operazion no a valor legal parce che e je za scjadude e e je za passade di proprietat, parce che e je stade tornade a regjistra di De Agostini, al ricef ai 14 di Novembar 1977 une declarazion di cession dal vieli proprietari, che si e dismenteat di ve za ringraciat De Agostini par ve tornat a fa jessi il so sfuei di une volte. Di fat Marchi nol pues cedi ce che nol e plui so, che se al ves cedut a pre Beline, mestri e predi in Cjargne, Patrie dal Friul, Beline al vares scomencade une so publicazion di Patrie dal Friul e no di La Patrie dal Friul. Pre Toni al reste diretor fin al Dicembar di 1988 , po la cjarie e passe a Federico Rossi di Vilecjace e daspo a Federico Gubian di Glemone; tal 1999 al torne Beline, che la manten fintremai la muart, che lu beche di colp ai 22 di Avril dal 2007 . La clape daur al gjornal e sielc par cjapa il so puest l'ilustrador e gjornalist Dree Venier , che za dal Setembar dal 2006 al jere jentrat inte redazion. Venier al lasse la direzion cul numar di Dicembar dal 2009 e il so puest al ven cjapat di Dree Valcic , gjornalist de Il Gazzettino .

I personacs [ cambie | modifiche il codic ]

La storie de Patrie e je sigurementri leade aes figuris di Felix Marchi , insieme cu la femine Marie Del Fabro , e di Pre Josef Marchet . Il prin, dentist udines, antifassist visseral, profete de autonomie furlane, al fo il fondador dal gjornal e il principal sostenidor par plui di 30 agns. Il secont al riva un poc dopo ma al colabora cun Marchi cun grancj risultats, ma al scugni mola pes pressions de Glesie che no viodeve tant di bon voli la colaborazion cuntun personac “estrem” come Marchi.

I agns di aur [ cambie | modifiche il codic ]

I agns plui biei e feconts pe Patrie a forin i prins, cuant che il gjornal al presente lis splendidis oparis di pre Josef Marchet , come la Cuintristorie dal Friul (publicade tra i 16 di Novembar dal 1950 e il 1 di Zenar dal 1952 ), lis Letaris ai furlans ( 1 di Fevrar dal 1950 ? 1 di Zenar dal 1951 ), lis notis di filologjie e gramatiche furlane, che a saran daspo metuts dongje inte opare “Lineamenti di grammatica friulana”. Inte Patrie al ven ancje publicat il prin romanc par furlan, “Aghe dapit la cleve”, di Dino Virgili , oltri che un grum de produzion di chei agns de clape di poetis de Risultive .

Leams esternis [ cambie | modifiche il codic ]

• ( furlan ) Sit de Patrie dal Friul