Pablo Picasso

Tekst uub Fering

Pablo Ruiz Picasso (Utjspriik uub Spaans : [?paβlo pi?kaso]; * 25. Oktuuber 1881 uun Malaga , Spanje ; † 8. April 1973 uun Mougins , Frankrik ) wiar en spaans konstmooler, graafiker an biljhauer. Det wurd toocht, dat hi amanbi 50.000 konstwerken maaget: moolet biljen, teekningen, graafiken, kolaaschen, plastiken an keraamiken. Sin werken san preeget troch en grat folfual faan konstlerisk utjdruckskaker an techniiken. A werken utj sin bla (1901-1904) an roosa (1904-1906) tidjen an’t begrunjigung faan’t Kubismus (1907-1911) tup ma Georges Braque wiar a began faan sin ungeminan luupboon uus konstler. Tu Picasso sin bekaandst werken hiart at moolet bilj Les Demoiselles d’Avignon ( A Foomnen faan Avignon ; 1907). Det wurd at kaibilj faan det klasisk modern. Ma utjnaam faan det monumentaal moolet bilj Guernica (1937), wat en konstlerisk amsaating faan a skreker faan de Spaans Burgerkrich wiar, het nian oler konstwerk faan det 20. juarhunert at forsking so utjforderet uus det Desmoiselles . At motiif faan’t duuw uub at plakaat, dat hi uun’t juar 1949 for det waaltfreeskongres uun Pariis maaget, wurd aueraal uub a waalt tu sumbool faan frees.