Takst aw mooringer frasch

Europaisch Unjoon

Ju Europaisch Unjoon unti EU (de. Europaische Union ), internasjonaal maasttid EU , as en internasjonaal organisasjoon, ju bestoont ut europaische stoote. Ju originool unjoon as 1992 grunlaid eefter di fertrach foon Maastricht. Ju unjoon as ju nu as, as basiird aw e fertrach foon Nice (feebruaar 2003). Ju Europaisch unjoon heet 447 milion onjboogere (2020), an en gebiit foon 4.233.262 km ² .

Histoori [ Bewerke | Kweltekst bewerke ]

1957 onertiikneden Balgien , Frankrik , Itaalien , Luksemborj , e Neederlonje an dat Bundesrepubliik Tjuschlonj en oufkaamen onj Room , wat dat Europaisch Wirtschapsgemiinschap (EWG) an en toolunioon grunlaid. 1973 Danmark , dat Feriind Kiningrik an Irlonj worden lasmoote. 1981 word Griikenlonj lasmoote, dan worden 1986 uk Spaanien an Portugal lasmoote. Dat Tjusch Demokraatisch Republiik word 1990 lasmoot, as et een diilj foon dat widerferiind Tjuschlonj word. Dat EWG word dat Europaisch Unjoon eefter en oufkaamen onj Maastricht onjt iir 1992 . Da naiste lonje, wat lasmoote worden, wjarn Aastenrik , Finlonj an Swarik (1995). Dat grutst utwidering wus onj't iir 2004 , as tiin stoote ( Estlonj , Letlonj , Litauen , Malta , Poolen , Tschechien , Sloweenien , e Slowakai , Ungarn an Zypern ) lasmoote worden. 2007 worden Bulgaarien an Rumaanien lasmoote. Di naist lasmoot wus Kroatien , wat 2013 dat EU baitratj.

Sunt 1957 treese tou lonje foon dat EWG/EU ut: Grainlonj ( 1985 , eefter en foljksoufsteeming onj't iir 1982 ) an dat Feriind Kiningrik (2020, eefter en foljksoufsteeming onj't iir 2016 ).

Lasmoote [ Bewerke | Kweltekst bewerke ]

Diling (2022) jeeft et 27 lasmoote:

1. Aastenrik (sunt 1995 )
2. Balgien (sunt e began)
3. Bulgaarien (sunt 2007 )
4. Danmark (sunt 1973 )
5. Estlonj (sunt 2004 )
6. Finlonj (sunt 1995 )
7. Frankrik (sunt e began)
8. Griikenlonj (sunt 1981 )
9. Republiik Irlonj (sunt 1973 )
10. Itaalien (sunt e began)
11. Kroaatien (sunt 2013 )
12. Letlonj (sunt 2004 )
13. Litauen (sunt 2004 )
14. Luksemborj (sunt e began)
15. Malta (sunt 2004 )
16. da Neederlonje (sunt e began)
17. Poolen (sunt 2004 )
18. Portugal (sunt 1986 )
19. Rumaanien (sunt 2007 )
20. Sloweenien (sunt 2004 )
21. ju Slowakai (sunt 2004 )
22. Spaanien (sunt 1986 )
23. Swarik (sunt 1995 )
24. Tjuschlonj (sunt e began)
25. Tschechien (sunt 2004 )
26. Ungarn (sunt 2004 )
27. Zypern (sunt 2004 )

Iir lasmoote wjarn dat Feriind Kiningrik (1973-2020) an Grainlonj (1973-1985). Ma Albaanien (sunt 2020), Montenegro (sunt 2012), Nordmazedonien (sunt 2020) an Serbien (sunt 2014) luupe ferhoonlingen, lasmoote tu warden.

E Ukraine , Georgien an Moldaawien heewe ja 2022 amt lasmootschap bewurwen.

Ferhoonlingen ma't Turkai warde sunt 2018 unerbraagen.

Europaisch Komisjoon [ Bewerke | Kweltekst bewerke ]

Ju Europaisch Komisjoon as ju eksekutiiw foon dat Europaisch Unjoon. Ju sloit ruchtsforschrafte for, seet antschiisinge am, halt da EU-oufkaamene in an forwaltet et daisgeschaft foon dat EU. E prasidantin foon e komisjoon sunt 2019 as Ursula von der Leyen .

Sii uk [ Bewerke | Kweltekst bewerke ]

• Euroopa
• Schengen-Rum

Linke [ Bewerke | Kweltekst bewerke ]

• Europaisch Unjoon