Jorn de l’an

Bon-an, An novel

Cel articllo est ecrit en arpetan supradialectal / ORB large .

*Fue d’artificio du jorn de l’an* a Sydney en 2006 .

Lo jorn de l’an [dz?r d? l?a] ? en Romandia diont pletout lo bon-an [b?.?na] ? ou ben l’ an novel [a n?.?ve] est lo premier jorn de l’ an . Per extension lo termo designe asse-ben les celebracions de ceti premier jorn de l’an ^[
1
].

Coment tota data aniversera d’un calendrier balye, lo jorn de l’an pot etre na data bugeniere dens un otro calendrier que fonccione d’apres n’otra logica. Per egzemplo, lo jorn de l’an du calendrier chinoues ( leni-solero ) est na data bugeniere dens lo calendrier gregorien (calendrier solero).

Diference entre los calendriers [ changier | changier lo texto sorsa ]

Dens los payis temperas [ changier | changier lo texto sorsa ]

Quand ben que los ≪ Jorns de l’an ≫ tombont rarament a la mema data d’un calendrier a l’otro, remarcont na correlacion a l’encant entre-mie payis.

En efet, la ≪ disparicion ≫ de la vegetacion pendent l’ hivern et sa ≪ renessence ≫ u forel at nurri lo concepto franc epata de la ≪ renessence cicllica ≫ de l’an. O est ver pas etonant que bien de ≪ Jorns de l’an ≫ seyont fetas entre-mie lo solstico d’hivern et l’ equinoxo de forel.

Dens los payis tropicals [ changier | changier lo texto sorsa ]

Portant o est pas du tot universal, notament dens los payis tropicals, yo que lo cicllo de les sesons est ben muens palpablo.

Povont citar d’ense l’ Egipta antica , que, quand ben qu’empleye un calendrier civilo solero, fete l’an novel a l’arreva anuala de l’ egouana du Nil . Diua cel’egouana a les ploges que se passont le-outre dedens los hiots platels, sa data est tota tributera de fenomenos du temps. Portant arreve generalament u memo temps.