 Esti articalu es un encetu
Si te apeta, pueis enlial-ti a trebajal en el, precurandu mas informacion i amejorandu lo escritu.
|
Partiu de tenis.
El
tenis
es un deporti juegau con raquetas que se disputa entre dos jugaoris (endividualis) o entre dos parejas (dobris).
S'origino en
Uropa
a finalis el sigru XIX i crecio enos paisis anglupalrantis en un prencipiu, especialmenti entre las sus crassis altas. Oganu, el tenis s'a universalizau, i se juga en quasique tolos paisis el mundu. Dende 1926, cona criacion el primel tour, es un deporti professional. Amas es un deporti olimpicu dende Seul 1988, ya que via perdiu essa categoria en Paris 1924.
Nel cercuitu professional los partius son generalmenti al mejol de 3 sets, enos qualis en dengun momentu se puei baju denguna cercustancia tocal el campu contrariu, tapocu se puei tocal la redi. Los partius al mejol de 5 sets se llevan a cabu enos torneus de Grand Slam i en Copa Davis. Hata el 2006, las finalis de los torneus Masters Seriis tamien se desputavan a 5 sets. Las mugeris desputan los sus partius al mejol de 3 sets, qualisquiel que sea el torneu.
Ca set se juga al mejol de 6 juegus, con al menus 2 juegus de diferencia. De llegal los dos jugaoris a 5 igualis en un set, devi de juegal-se al mejol de 7 juegus pa mantenel los dos juegus de diferencia. Nel casu en que se llegui a 6 igualis, se juga un juegu largu llamau "Tie Break" (Muerti subita), ondi sacan 2 vezis ca unu los jugaoris arreu (ecetuandu que se cambia de jugaol que saca endespues del primel puntu del tie break) i gana el que llegui a 7 puntus, siempri que tenga 2 puntus de diferencia comu minimu. Si los dos jugaoris llegan a un 6 igualis nel ultimu set, devi de siguil juegandu-se hata avel 2 juegus de diferencia entre ellus.
Ca juegu se juega contandu los puntus nuna escala de 15-30-40-puntus. Si los dos jugaoris llegan a 40 igualis (igualis, o
deuce
en
ingres
) an de siguil juegandu hata consiguil dos puntus de diferencia. Al estal los jugaoris en igualis, la escala que s'aprica es Ventaja ("serviciu" o "huera")- Juegu.
