Carlus el Grandi i el Papa Adrianu I.
Calru Manu
u
Carlus el Grandi
(
frances
:
Charlemagne
) (742 u 747 - 28 d'Eneru, 814) hue el rei de los francus qu'enceto el
Sacru Emperiu Romanu
.
Los francus, unu e los pueblus Hermanicus c'iban emigrau arreol el
riu Rhin
nel
Emperiu Romanu
. Conquistun, arreol anu 700, la Galia i parti e la Hermania al esti el Rhin. Tamien efendierun al Papau i la fe Catolica Romana. Deque el su rei Pippin el Brevi espeno, los sus ihus, Carlus el Grandi i Carloman huerun hucheaus pa compaltil el reinu. Lo suzalachun en dos partis: una meta pa Carlus el Grandi i l'algotra pa Carloman. Carloman esperecio el 4 e Diciembri el 771, ehandu a Carlus cumu el derihenti e tol Reinu Francu.
Hue rei de los francus endi el 786 i rei de los lombardus endi el 774. Hue coronau emperaol
Emperaol Augustu
en
Roma
ena Navia del anu 800 pol Papa Lion III, encetandu el Sacru Emperiu Romanu, c'asperaba que huera un segunderu Emperiu Romanu. Aluspues abondas guerras, esperrio el su emperiu pol gran parti d'
Uropa
Ociental.
Carlus runcho en guerras tol tiempu que hue rei. Es conociu pol gastal de la su espa, “Joyeuse”, en ca unu e los trenta anus de guerra i las 18 batallas enas que runcho. Tamien pu conquistal a los sahonis, argu qu'el emperaol romanu
Augustu
nu pu 800 anus enantis. Consiguio gorvel a los sahonis pal cristianismu. Mesmaenti cuaharingo abondus colehius paque la su henti puyera deprendel.
Carlus el Grandi esperecio nel 814, ehandu el su reinu pal su ihu unicu, Luis el Piaosu.
